18 | 12 | 2018

მიმდინარე წლის ბიუჯეტში ცვლილებები იგეგმება

ლანჩხუთის მუნიციპალიტეტის საკრებულოს საფინანსო-საბიუჯეტო კომისიამ მიმდინარე წლის ბიუჯეტში განსახორციელებელ ცვლილებებზე იმსჯელა.

ცვლილებების განხორციელება იგეგმება შემდეგი მიმართულებებით: ლანჩხუთის მუნიციპალიტეტის საკრებულოს სხვა საქონელი და მომსახურების ხარჯი მცირდება 12500 ლარით და გაზარდება ხელფასის ფონდი 5000 ლარით, შტატგარეშე მოსამსახურეთა ანაზღაურება-4500 ლარით, ხოლო ოფისის ხარჯი 3000 ლარით. მცირდება ასევე ლანჩხუთის მინიციპალიტეტის მერიის სხვა საქონელი და მომსახურების მუხლი 9000 ლარით და სესხის სარგებლის პროცენტის 23350 ლარით, იზრდება მერიის ოფისი მუხლი 11370 ლარით, სხვა ხარჯების მუხლი 780 ლარით, გარე განათების ელექტროენერგიის ხარჯი 11600 ლარით. საპროექტო დოკუმენტაციისა და საექსპერტო მომსახურების შესყიდვისათვის დამატებით გამოიყო 38000 ლარი.

ა(ა)იპ ლანჩხუთის მუნიციპალიტეტის სკოლამდელი საგანმანათლებლო სააღმზრდელო ცენტრის სუფსიდიის დაფინანსება შემცირდება 1130 ლარით და გაიზარდება არაფინანსური აქტივების ხარჯი 1130 ლარით. იზრდება სოციალური პროგრამების დაფინანსება, კერძოდ: მრავალშვილიანი ოჯახების, დახმარების, მძიმე საცხოვრებელ პირობებში მყოფი ოჯახების დროებითი თავშესაფრით უზრუნველყოფის და ერთჯერადი დახმარების, სხვადასხვა ომებსა და კონფლიქტებში მონაწილე ვეტერანთა დახმარების, სამკურნალო და საოპერაციო ხარჯებით დახმარების, იძულებით გადადგილებულ პირთა დახმარების პროგრამები (ჯამში 49 830 ლ).

ამასთან, მიზანშეწონილად ჩაითვალა გაეზარდო დაფინანსება ა(ა)იპ ლანჩხუთის მუნიციპალიტეტის „კეთლმოწყობისა და მომსახურების ცენტრ 55000 ლარის ოდენობით, ა(ა)იპ ლანჩხუთის მუნიციპალიტეტის სპორტულ ცენტრს -10800 ლარით, ა(ა)იპ ლანჩხუთის მუნიციპალიტეტის ,,კულტურის დაწესებულებათა გაერთიანებას“ -18000 ლარით, ამასთან შემცირდეს არაფინანსური აქტივების მუხლი 2012 ლარი და გაიზარდოს სუბსიდიის მუხლი 2012 ლარით. შპს ქალთა საფეხბურთო კლუბ „ლანჩხუთის ლანჩხუთი დაფინანსება გაზარდ 6000 ლარით.

აღნიშნული ღონისძიებების დაფინანსების უზრუნველყოფის მიზნით შემცირდება ბიკარბონატული ჰემოდიალეზით-თირკმლის ქრონიკული უკმარისობით დაავადებულთა სამედიცინო დაწესებულებათა ტრანსპორტირების ხარჯი 3080 ლარით, ხანდაზმულ (100 და მეტი წლის ასაკის) პირთა დახმარების პროგრამა შემცირდეს 400 ლარით და გაიზარდოს უცხოურ საწარმოთა ქონების გადასახადი 165550 ლარით.

კომისიამ წარმოდგენილ საკითხს მხარი დაუჭირა. აღნიშნული ღონისძიებების შესაბამის ცვლილებებზე  საკრებულო გადაწყვეტილებას 19 დეკემბრის რიგგარეშე სხდომაზე მიიღებს.

ბიურომ მიმდინარე საკითხებზე იმსჯელა

დღეს ლანჩხუთის მუნიციპალიტეტის საკრებულოს ბიუროს სხდომა გაიმართა, სადაც დღის წესრიგით განსაზღვრულ საკითებზე იმსჯელეს.

ბიურომ ლანჩხუთის მუნიციპალიტეტის 2019 წლის პრიორიტეტების დოკუმენტისა და 2019 წლის ბიუჯეტის პროექტზე იმსჯელა. როგორც მოგეხსენებათ, ბიუჯეტის კორექტირებული პროექტი მერიამ საკრებულოში 10 დეკემბერს წარმოადგინა. როგორც განიმარტა, ბიუჯეტის პროექტის კორექტირებულ ვარიანტში საკრებულოს მიერ გამოთქმული შენიშვნების მხოლოდ ნაწილია გათვალისწინებული. აღნიშნული საკითხები დეტალურად საკრებულოს კომისიებისა და ფრაქციების სხდომებზე განიხლება.

ბიურომ საკრებულოს ხუთივე მუდმივმოქმედი კომისიისა და საკრებულოს აპარატის 2019 წლის სამუშაო გეგმა დაამტკიცა.

ასავე განიხილეს ლანჩხუთის მუნიციპალიტეტის საკრებულოს 2019 წლის სამუშაო გეგმის, ლანჩხუთის მუნიციპალიტეტის გენდერული თანასწორობის საბჭოს 2019-2020 წწ სამუშაო გეგმის პროექტები.

ცვლილებების განხორციელება იგეგმება საკრებულოს განკარგულებებში, რაც საკრებულოს საფინანსო-საბიუჯეტო და სოციალურ საკითხთა, განათლების, კულტურისა და ახალგაზრდულ საქმეთა კომისიების შემადგენლობებში ცვლილებას გულისხმობს.

ძირითადი საკითხების განხილვის შემდეგ ბიურომ სხვადასხვა საკითხების ფორმატში განაგრძო მუშაობა. ბიუროს წევრების შეკითხვებს მუნიციპალიტეტის მერმა, ალექსანდრე სარიშვილმა უპასუხა.

ბიუროს გადაწყვეტილებით, საკრებულოს მორიგი სხდომის თარიღად 25 დეკემბერი, 11.00 საათი განისაზღვრა.

სტიქიის სალიკვიდაციო ღონისძიებები გრძელდება

სტიქიის სალიკვიდაციო ღონისძიებების ფარგლებში გურიის გუბერნატორმა ზურაბ ნასარაიამ, მოადგილე გიორგი თურმანიძემ და ლანჩხუთის მერმა ალექსანდრე სარიშვილმა მიმდინარე და დასრულებული სამუშაოები დაათვალიერეს.
როგორც ცნობილია, 30 ნოემბერს ლანჩხუთის მუნიციპალიტეტში ძლიერი ქარის შედეგად 284 სახლის სახურავი დაზიანდა. აქედან 55 საცხოვრებელი სახლი სრულად გადაიხურება, ხოლო 229 სახლისთვის გამოყოფილია საჭირო რაოდენობის სამშენებლო მასალა, რომელიც საქართველოს რეგიონული განვითარებისა და ინფრასტრუქტურის სამინისტრომ გამოყო. გარდა ამისა, შეკეთდა შუხუთისა და ქალაქის მეორე საჯარო სკოლების სახურავები, სრულად დაიხურა სოფელ ნიგოითის ამბულატორია.
_ სამწუხაროდ, უამინდობამ ხელი შეგვიშალა. ამ დროისთვის უკვე დახურულია 17 სახლი. სამუშაოები გრძელდება და უახლოეს დღეებში დასრულდება _განაცხადა მუნიციპალიტეტის მერმა.

ეთნოგრაფიული კუთხეები ნინოშვილის მუზეუმში

პროექტის ,,მონაწილეობითი პრინციპები გურიის ტურიზმის განვითარების სტრატეგიისთვის“, ფარგლებში ეგნატე ნინოშვილის სახლ-მუზეუმის ეზოში გურული ყოფა -ცხოვრებისთვის დამახასიათებელი ეთნოგრაფიული კუთხეები მოეწყო.
ინოვაციებისა და სამოქალაქო განვითარების ცენტრ -"პროგრესის სახლის" თავმჯდომარის მინდია სალუქვაძის თქმით, პროექტის მიზანია გურიის პოტენციალის გამოკვლევა, შეფასება, მოქალაქეთა მცირემასშტაბიანი აქტივობების მხარდაჭერა, ტურისტული ინფრასტრუქტურის განვითარება და სამოქმედო გეგმების შემუშავება. ვფიქრობ, ეგნატე ნინოშვილის სახლ-მუზეუმი და მიმდებარე ტერიტორია საამისოდ მნიშვნელოვანია. აქ დასვენებისა და შემოქმედებისთვის ძალიან კარგი გარემოა.
სტუმრებმა დაათვალიერეს გურული სასიმინდე, მარანი, ფანჩატური და ა.შ.
ღონისძიებას ლანჩხუთის მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახურის უფროსი ია ჩხაიძე, კულტურის დაწესებულებათა გაერთიანების ხელმძღვანელი დავით წერეთელი და პროექტის ორგანიზატორები ესწრებოდნენ.

მოქალაქეთა მიღება მერთან

ლანჩხუთის მუნიციპალიტეტის მერთან, ალექსანდრე სარიშვილთან მოქალაქეთა ტრადიციული მიღება გაიმართა.
მიღებაზე მოსული ადამიანების უმეტესობას სოციალური პრობლემები აწუხებდათ.
ალექსანდრე სარიშვილმა შესაბამის სამსახურებს დაავალა მხედველობაში მიეღოთ ადამიანების მდგომარეობა და შეძლებისდაგვარად გაეწიათ მათთვის დახმარება.
მიღებას ესწრებოდნენ მერის თანაშემწე, სოციალური სამსახურის თანამშრომელი და მოქალაქეთა მიღების განყოფილების უფროსი.

ლანჩხუთს აშშ-ს საელჩოს კულტურის ატაშე ეწვია

ლანჩხუთის მუნიციპალიტეტის ჩიბათის საჯარო სკოლას ამერკის საელჩოს კულტურის ატაშე ჯულიუს ცაი ესტუმრა.
ვიზიტის ფარგლებში კულტურის ატაშე, გაეცნო ჩიბათის საჯარო სკოლის მუშაობას და მათ მიერ განხორციელებულ სასკოლო თუ სათემო პროექტებს.
დღესვე კულტურის ატაშე ჩიბათის საჯარო სკოლის მოსწავლეებს და მასწავლებლებს შეხვდა, რომლებიც
სტუმრად მიიწვია ამერიკის საელჩოში.
ჯულიუს ცაის ლანჩხუთის მუნიციპალიტეტის მერი ალექსანდრე სარიშვილი და საგანმანათლებლო რესურს ცენტრის ხელმძღვანელი ნინო ჩიტაძე შეხვდნენ. სტუმართან ერთად მათ ოკუპაციის მუზეუმიც დაათვალიერეს.
კულტურის ატაშემ, მასწავლებლის ეროვნული ჯილდოს მფლობელს, ლადო აფხაზავას, 2017 წლის მასწავლებლის ეროვნული ჯილდოს ტიტულის მოპოვება მიულოცა და წარმატებები უსურვა გლობალურ კონკურსზე.

ქვეკატეგორიები

საჯარო ინფორმაცია
სმს გამოწერა

ელექტრონული პეტიცია