19 | 10 | 2017

სკოლამდელი სააღმზრდელო-საგანმანათლებლო ცენტრს 3 ახალი საბავშვო ბაგა-ბაღი შეემატა

ლანჩხუთის სკოლამდელი სააღმზრდელო-საგანმანათლებლო ცენტრს 3 ახალი საბავშვო ბაგა-ბაღი შეემატა. თანამედროვე სტანდარტებით მოეწყო და აღიჭურვა ბაგა-ბაღების ყველა ბლოკი.კეთილმოეწყო ეზოები,მცენარეებითა და ეზოს სათამაშოებით.
შუხუთის 4 ჯგუფიანი,ჩოლობარგისა და ლესის 2 ჯგუფიანი ბაგა-ბაღები.ყველა პირობაა შექმნილი იმისა,რომ ბავშვები უსაფრთხო და კომფორტულ გარემოში იმყოფებოდნენ.

ლანჩხუთის საგანმანათლებლო სააღმზრდელო ცენტრი-(ი)ს ფოტო.

ბიურომ ორი ძირითადი საკითხი განიხილა

დღეს ლანჩხუთის მუნიციპალიტეტის საკრებულოს ბიუროს სხდომა გაიმართა, რომელსაც თავმჯდომარე გიორგი ხელაძე უძღვებოდა.

ბიურომ ორი ძირითადი საკითხი განიხილა:
„ლანჩხუთის მუნიციპალიტეტის გამგეობის თანამდებობის პირთა და სხვა მოსამსახურეთა საშტატო ნუსხისა და თანამდებობრივი სარგოს ოდენობების დამტკიცების შესახებ“ ლანჩხუთის მუნიციპალიტეტის საკრებულოს 2017 წლის 27 ივნისის N19 დადგენილებაში ცვლილების შეტანის თაობაზე“ ;

„ლანჩხუთის მუნიციპალიტეტის 2017 წლის ბიუჯეტის დამტკიცების შესახებ“ ლანჩხუთის მუნიციპალიტეტის საკრებულოს 2016 წლის 28 დეკემბრის N30 დადგენილებაში ცვლილების შეტანის თაობაზე“ .

აღნიშნული საკითხები შემდგომი განხილვისათვის გადაეგზავნა საკრებულოს კომისიებსა და ფრაქციებს.

ბიუროს გადაწყვეტილებით, საკრებულოს მორიგი სხდომა მიმდინარე წლის 27 ოქტომბერს 11 საათზე გაიმართება.

ლანჩხუთის მუნიციპალიტეტის საკრებულო-(ი)ს ფოტო.

პაპუნა ფირცხალაიშვილის პოეზიის საღამო

ლანჩხუთის ცენტრალური ბიბლიოთეკის დარბაზში ჩატარდა პაპუნა ფირცხალაიშვილის პოეზიის საღამო "გზაჯვარედინზე". სტუმრებს პაპუნასთან ერთად თავიანთი ლექსები წაუკითხეს პაპუნა რევიშვილმა, თორნიკე დუმბაძემ, ნიკოლოზ ფუტკარაძემ და გიორგი (იგი) ხარაიშვილმა.
ბიჭები კითხულობდნენ ლექსებს სიყვარულზე, სამშობლოზე, მეგობრობაზე. ეს მართლაც იყო ქართული სიტყვის ნამდვილი ზეიმი.
საღამოს დასასრულს პაპუნა ფირცხალაიშვილამ გაგვიმხილა, რომ ეს დღესასწაული აჩუქა დედას, ზაირა ჩაჩუას, რომელიც იმ დღეს იუბილარი იყო.

ქვეყნის არცერთ რეგიონში მუნიციპალიტეტი მსგავს პროგრამას არ აფინანსებს

22 სექტემბერს, ლანჩხუთის ,,გამარჯვებულ ქალთა კლუბს” სტუმრობდა ტელეკომპანია „იმედის” გადამღები ჯგუფი, რომლის შემადგენლობაში იყვნენ: ელენე ცინცაძე, გიორგი რომანაძე და ზაზა თუშიშვილი. ისინი მუშაობდნენ სიუჟეტზე ,,როგორ დაამარცხეს გურულებმა კიბო, ყველაზე სწრაფად”.
ლანჩხუთის გამარჯვებულ ქალთა კლუბი, რომელსაც მზია კვირკველია ხელმძღვანელობს, 2011 წელს დაარსდა. თავიდან კლუბი ძუძუს კიბოთი ნაოპერაციებ 12 ქალს აერთიანებდა, ახლა 50-მდე წევრი ჰყავს.
„გამარჯვებულ ქალთა კლუბი“ დამოუკიდებელი ორგანიზაციაა. კლუბი ხუთას ქალზე მეტს ითვლის. აქვს რამდენიმე რეგიონული ოფისიც. ლანჩხუთის კლუბიც ერთ-ერთია.
ოპერაციის შემდეგ ცხოვრების სრულფასოვნად გასაგრძელებლად საჭიროა რეაბილიტაცია, მასაჯები, სხვადასხვა თერაპია, ფსიქოლოგთან კონსულტაცია და ა.შ. რაც ძალიან ძვირია და ხშირად პაციენტებს ხელი არ მიუწვდებათ.
საჭირო ფინანსების მოსაძიებლად მზია კვირკველიამ ლანჩხუთის გამგეობას მიმართა. მუნიციპალიტეტს ძუძუს კიბოს ნაოპერაციებ ქალთა სარეაბილიტაციო პროგრამის დაფინანსება სთხოვა. სოციალურმა სამსახურმა პროგრამა დაუფინანსა თავდაპირველად 5 000 ლარით. ახლა კი პროგრამა მუნიციპალიტეტიდან 20 000 ლარს იღებს. თუმცა, მას სკრინინგის კომპონენტიც დაემატა. ყოველთვიურად მზია კრებს ქალებს 16 სოფლიდან და გამოკვლევებისთვის თბილისში მიჰყავს. ტრანსპორტირების ხარჯები პროგრამაში შედის. მამომობილით ლანჩხუთში ექიმებსაც იწვევს და ქალებს ადგილზე შეუძლიათ სამედიცინო კონსულტაციის მიღება. 
მზია იხსენებს, რომ ამერიკის საელჩოში რამდენიმე ქვეყნის ექსპერტ-ონკოლოგების ფორუმზე ლანჩხუთი ერთ-ერთ წარმატებულ რეგიონად დასახელდა, რადგან, მისი თქმით, ქვეყნის არცერთ რეგიონში მუნიციპალიტეტი მსგავს პროგრამას არ აფინანსებს.
პროგრამის დახმარებით, როგორც მზია ამბობს, ლანჩხუთის რაიონიდან 3 5000-მდე ქალმა ჩაიტარა სკრინინგი. მათგან სამოცამდე ქალს კეთილთვისებიანი სიმსივნე აღმოაჩნდა და დროულად დაიწყო მკურნალობა.

ლანჩხუთის მუნიციპალიტეტის გამგეობა-(ი)ს ფოტო.

მამათში გზის გაწმენდითი სამუშაოები დაწყებულია

16-17 ოქტომბრის სტიქიამ მნიშვნელოვნად დააზიანა მამათის ადმინისტრაციული ერთეული. წაქცეულია ხეები, რამდენიმე ადგილას გზის სავალ ნაწილზე ჩამოწოლილია მეწყერი, დაზიანებულია ხიდები და მილხიდები.
ამ დროისთვის სოფელში გზის გაწმენდისა და ელექტროენერგიის აღდგენითი სამუშაოები მიმდინარეობს.
დაზიანებულია საცხოვრებელი სახლები.

ლანჩხუთის მუნიციპალიტეტის გამგეობა-(ი)ს ფოტო.

ქაჯვარაში 22 ოჯახია სოფლის ცენტრს მოწყვეტილი

დღეს ლანჩხუთის მუნიციპალიტეტის გამგებლის მოადგილე ნუგზარ ცინცაძე ჯურუყვეთში იმყოფებოდა. მეწყერის შედეგად კვაჭაძეების უბანში 4, ხოლო ქაჯვარაში 22 ოჯახია სოფლის ცენტრს მოწყვეტილი. დაზიანებულია საცხოვრებელი სახლები.
გამგეობის შესაბამისი სამსახური ზარალს ითვლის.

ლანჩხუთის მუნიციპალიტეტის გამგეობა-(ი)ს ფოტო.

ქვეკატეგორიები

საჯარო ინფორმაცია
სმს გამოწერა