19 | 11 | 2018

გოგუების ოჯახს საკუთარ ჭერქვეშ ბედნიერი ახალი წელი უთენდება

პრეზიდენტის რწმუნებული ვალერი ჩიტაიშვილი და ადგილობრივი ხელისუფლების წარმომადგენლები მაყვალა და სოსო გოგუების ოჯახს ესტუმრნენ, დამდეგი შობა-ახალი წელი მიულოცეს და საახალწლო საჩუქარი გადასცეს.

მაყვალა და სოსო გოგუების 8 სულიანი ოჯახი ჯურუყვეთის ადმინისტრაციულ ერთეულში 7 წელია დანგრეულ სახლში ცხოვრობდა. წელს ლანჩხუთის მუნიციპალიტეტის ადგილობრივმა ხელისუფლებამ მეწყრით, ხანძრით და სხვა სახის სტიქიით დაზარალებულთა დახმარების პროგრამის შესაბამისად მათთვის სახლი შეიძინა.

ოჯახის წევრებმა მადლობა გადაუხადეს ვალერი ჩიტაიშვილს და ადგილობრივ ხელისუფლებას თანადგომისთვის და დახმარებისთვის. მათი  თქმით, ყველა ოჯახს საკუთარ ჭერქვეშ გაუთენდეს ისეთი ბედნიერი ახალი წელი, როგორი ზეიმითაც მათ ოჯახში თენდება.

ამაღელვებელი იყო საქართველოს პრეზიდენტის საჩუქრის გადაცემა დამსახურებული პედაგოგის, მიმოზა ბარამიძისთვის. ქალბატონმა  მიმოზამ მადლობა გადაუხადა პრეზიდენტს, გუბერნატორს, ადგილობრივი ხელისუფლების წარმომადგენლებს გულთბილი მოკითხვისთვის, შობა-ახალი წლის მილოცვისთვის და  საქართველოს, გამთლიანება, ყოველი ქართველის სიძლიერე ისურვა.

 

 

 

 

საჯარო ინფორმაცია
სმს გამოწერა

ელექტრონული პეტიცია