სამოყვარულო ფეხბურთში გამარჯვება ქალაქმა მოიპოვა

დეტალები: გამოქვეყნებულია ორშაბათი, 08 მაისი 2017 10:46

"მოყვარულთა თასი 2017-ის" გათამაშებაში, რომელიც ლანჩხუთში ხუთ მაისს დაიწყო და რომელსაც სამოყვარულო ფეხბურთის ასოციაცია და საქართველოს ფეხბურთის ფედერაცია ატარებს, გამარჯვებულები გამოვლინდნენ. შეგახსენებთ, რომ "მოყვარულთა თასის" რაიონულ გათამაშებაში ლანჩხუთიდან ოთხი გუნდი ჩაერთო: ქალაქის, ნიგოითის, ჩოჩხათისა და აკეთის მოყვარული თუ პროფესიონალი ფეხბურთელები. საბოლოოდ კი ერთმანეთს ქალაქის "ოქროს უბანი" და აკეთის გუნდები შეხვდნენ. შეხვედრამ საკმაოდ დაძაბულ ვითარებაში ჩაიარა. ბოლო წუთამდე ანგარიში უცვლელი იყო: 1:1, მაგრამ ქალაქმა მოახერხა და საბოლოოდ გამარჯვებასაც მიაღწია. 3:1 - ასე დასრულდა ეს საინტერესო მატჩი. რაიონულ დონეზე პირველ და მეორე ადგილოსნები, ქალაქისა და აკეთის გუნდები რეგიონულ გათამაშებაში მიიღებენ მონაწილეობას, რომელიც ივლისში დაიწყება.

ლანჩხუთის მუნიციპალიტეტის გამგეობა-(ი)ს ფოტო.