15 | 10 | 2018

უფასო გასინჯვები მაჩხვარეთში

მაჩხვარეთის საბავშვო ბაღის შენობაში, ლანჩხუთელებს უფასო სამედიცინო კონსულტაციები და გასინჯვები ჩაუტარდათ აკადემიკოს ვაჟა ივერიელის სახელობის ბათუმის ენდოკრინოლოგიის, მეტაბიოლოგიისა და დეიტოლოგიის ცენტრ „ენმედიცინის“ ექიმების მიერ.
დერმატოლოგი, ოტოლიროლარინგოლოგი, ექოსკოპოსტი, პედიატრი, თერაპევტი, ნევროლოგი, ენდოკრინოლოგი, ოფთალმოლოგი და კარდიოლოგი ყურადღებითა და შესაშური პროფესიონალიზმით უსმენდნენ პაციენტებს, რომლებიც ასევე დიდ კმაყოფილებას გამოთქვამდნენ ამ აქციის გამო.
აქციის ორგანიზატორის, კლინიკის ბათუმის ფილიალის ხელმძღვანელის, კობა კუნჭულიას თქმით, კლინიკა მსგავს აქციებს ხშირად ატარებს. 
"დღეს მაჩხვარეთში ვართ. ჩვენ გვინდა, რომ მოსახლეობას შეძლებისდაგვარად დავეხმაროთ. დიდი მადლობა ადგილობრივ ხელისუფლებას მასპინძლობისთვის" - გვითხრა კუნჭულიამ.
თავის მხრივ პაციენტები მადლობას უხდიდნენ როგორც ექიმებს, ასევე მაჩხვარეთის საბავშვო ბაღის ადმინისტრაციას კეთლსინდისიერი დახვედრისთვის.
საჯარო ინფორმაცია
სმს გამოწერა

ელექტრონული პეტიცია