17 | 08 | 2018

აგრო ტურისტული ფესტივალი

 

 

ოზურგეთის მუნიციპალიტეტის დაბა ურეკში აგრო ტურისტული ფესტივალი „გურია 2018“ გაიმართა. ფესტივალის მიზანს წარმოადგენდა ადგილობრივად წარმოებული სასოფლო-სამეურნეო პროდუქციის პოპულარიზაცია და მათი ხელშეწყობა პროდუქციის რეალიზაციასა თუ მომსახურების გაწევაში.
მოეწყო ადგილობრივი პროდუქციის გამოფენა-გაყიდვა, რომელშიც მონაწილეობა მიიღო გურიის რეგიონის 50 - ზე მეტმა ფერმერმა, მეწარმემ და კოოპერატივის წარომადგენელმა. ფესტივალში მონაწილეობისა და ქართული პროდუქციის წარმოებისათვის ყველა მონაწილეს „მადლობის სიგელი“ გადასცეს საქართველოს გარემოს დაცვისა და სოფლის მეურნეობის მინისტრის მოადგილემ სოლომონ პავლიაშვილმა, გურიის გუბერნატორმა მერაბ ჭანუყვაძემ, ლანჩხუთის მუნიციპალიტეტის მერმა ალექსანდრე სარიშვილმა და პროექტის დირექტორმა ნანა თავდუმაძემ. პროექტს ახორციელებს ა(ა)იპ “ გურიის განვითარების კავშირი/Guria Development Union პროექტის „მონაწილეობითი CHARRETTE გურიის ტურიზმის განვითარების სტრატეგიისთვის“ ფარგლებში, რომელიც დაფინანსებულია საქართველოში ევროკავშირის დელეგაციის მიერ და რომელშიც ჩართულია ოზურგეთის, ლანჩხუთისა და ჩოხატაურის მუნიციპალიტეტები ორ არასამთავრობო ორგანიზაციასთან ერთად: „სამოქალაქო საზოგადოების ინსტიტუტი“ და ა(ა)იპ „ინოვაციებისა და სამოქალაქო განვითარების ცენტრი პროგრესის სახლი". ღონისძიება ევროკავშირის მხარდაჭერით გაიმართა, გაეროს სურსათისა და სოფლის მეურნეობის ორგანიზაციასთან (FAo) თანამშრომლობით, სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ფარგლებში.

საჯარო ინფორმაცია
სმს გამოწერა

ელექტრონული პეტიცია