16 | 12 | 2018

საგურამოში ილიაობა აღინიშნა

ილია ჭავჭავაძის სახელობის საგურამოს სახელმწიფო მუზეუმში დღესასწაული ,,ილიაობა” ჩატარდა, უკვე მეხუთე წელია მუზეუმი ამ დღეს განახლებული ფორმატით აღნიშნავს. ყოველი წლის 2 აგვისტოს მასპინძლები საქართველოს სხვადასხვა რეგიონიდან ჩამოსული სტუმრები ხდებიან, ნიშნად იმისა, რომ ილია ჭავჭავაძე საქართველოს ერთიანობის სიმბოლოა. 
წლევანდელი ,,ილიაობის” მასპინძელი გურიის რეგიონი გახლდათ. ლანჩხუთის მუნიციპალიტეტი წარმოდგენილი იყო ლანჩხუთის კულტურის ცენტრთან არსებული სიმღერისა და ცეკვის სახალხო ანსამბლ ,,მხედრებით”, ისინი მრავალფეროვანი ნომრებით წარსდგნენ მაყურებლის წინაშე. 
ღონისძიების პარალელურად მუზეუმის ეზოში მოეწყო ხელნაკეთი ნივთებისა და ფოლკლორის ნიმუშების გამოფენა-გაყიდვა, სადაც ლანჩხუთის კულტურის ცენტრის ფოლკლორის განყოფილებამ დამთვალიერებელს წარუდგინა ხალხური რეწვის ნიმუშები.

საჯარო ინფორმაცია
სმს გამოწერა

ელექტრონული პეტიცია