22 | 08 | 2019

შშმ ბავშვების სარეაბილიტაციო ცენტრის გახსნა იგეგმება

ლანჩხუთის მუნიციპალიტეტის გენდერული თანასწორობის საბჭოს ორგანიზებით, მუნიციპალიტეტის სხდომათა დარბაზში შეზღუდული შესაძლებლობების  ბავშვების სარეაბილიტაციო ცენტრის გახსნის თაობაზე პრეზენტაცია მოეწყო.

პრეზენტაციას გენდერული თანასწორობის საბჭოს წევრები, საკითხით დაინტერესებული პირები და გრიგოლეთში მოღვაწე მონაზონი, დედა ემილია ესწრებოდნენ.

ცენტრის მშენებლობის იდეა გაუჩნდა ლია სერგეევას დაინტერესებულ მოქალაქეთა ჯგუფთან ერთად, მას შემდეგ, რაც მისი მცირეწლოვანი შვილი საქართველოში ჩამოიყვანა და მაგნიტური ქვიშით მკურნალობამ დადებითი შედეგები გამოიღო.

როგორც მან აღნიშნა, ცენტრის მშენებლობა 2 წელზე მეტია მიმდინარეობს, ამ ეტაპზე შესრულებული სამუშაოების ღირებულება 100 000 ლარს აღემატება. შენობა მზადაა, შიდა სარემონტო სამუშაოები დასრულებულია და საჭირო ინვენტარით აღიჭურვება. ცენტრის მშენებლობა ძირითადად შემოწირულობებით განხორციელდა. ცენტრი 80- მდე ბავშვს მოემსახურება. სამკურნალოდ მაგნიტური ქვიშის გამოყენება იგეგმება და საშუალება მიეცემა შშმ ბავშვებს საჭირო მკურნალობა და რეაბილიტაცია ადგილზე ჩაიტარონ.

საჯარო ინფორმაცია
სმს გამოწერა

ელექტრონული პეტიცია