16 | 10 | 2019

ვაკანსია

ლანჩხუთის მუნიციპალიტეტის მერია მუნიციპალიტეტის საჯარო მოხელეებისათვის აცხადებს ვაკანსიას შემდეგ პოზიციაზე: სპეციალისტი ნინოშვილის ადმინისტრაციულ ერთეულში.

აღნიშნულ პოზიციაზე ,,საჯარო სამსახურის შესახებ“ საქართველოს კანონის 48-ე მუხლის შესაბამისად განხორციელდება მოხელის გადაყვანა. გადასვლის მსურველმა საჯარო მოხელეებმა ორი სამუშაო დღის ვადაში უნდა წარმოადგინონ განცხადება მუნიციპალიტეტის მერის სახელზე.

მოხელე გასაუბრებას გაივლის მუნიციპალიტეტის მერთან, რომელიც  შეფასების შედეგებისა და კვალიფაკაციის გათვალისწინებით შეარჩევს კანდიდატურას.

საკრებულოს ბიურომ მიმდინარე საკითხები განიხილა

დღეს ლანჩხუთის მუნიციპალიტეტის საკრებულოს ბიუროს სხდომაზე, რომელსაც ბესიკ ტაბიძე უძღვებოდა, მიმდინარე საკითხებზე იმსჯელეს. ბიურომ ლანჩხუთის მუნიციპალიტეტის 2019 წლის სოციალური პროგრამები და ბიუჯეტიდან სოციალური დახმარების გაცემისა და მიღების წესის დამტკიცების შესახებ იმსჯელა.

როგორც სოციალური სამსახურის უფროსმა, თამარ ფირცხალაიშვილმა აღნიშნა, მიმდინარე წელს 16 სოციალური პროგრამა განხორციელდება. ასევე წარმოდგენილ პროექტში დეტალურად არის გაწერილი, თითოეული პროგრამის გაცემისა და მიღებისთვის საჭირო დოკუმენტაციის ჩამონათვალი. აღნიშნულ საკითხზე საკრებულოს ყველა კომისია და ფრაქცია იმსჯელებს, რის შემდეგაც საკრებულოს წარედგინება დასამტკიცებლად.

ბიურომ ასევე ლანჩხუთის მუნიციპალიტეტის 2019 წლის სოციალურ-კულტურული ღონისძიებების - განათლების ხელშეწყობის; კულტურის ღონისძიებების; სპორტული ღონისძიებების და ახალგაზრდობის მხარდაჭერის პროგრამების დამტკიცების შესახებ“ და განსახორციელებელი ღონისძიებების დაფინანსების წესის შესახებ იმსჯელა.

ამავე სამსახურის უფროსმა, ია ჩხაიძემ მიმდინარე წელს განსახორციელებელ პროგრამებზე ისაუბრა და როგორც განმარტა, თითოეული პროგრამისა და ქვეპროგრამის მიზნობრიობა პროექტში დეტალურადაა გაწერილი.

რედაქციული ხასიათის ცვლილება განხორციელდება ლანჩხუთის მუნიციპალიტეტის საკრებულოს აპარატის დებულების დამტკიცების შესახებ“.

ბიურომ განიხილა განკარგულების პროექტი,  „ლანჩხუთის მუნიციპალიტეტის ორგანოების საქმიანობის აუდიტორული შემოწმების ჩატარების შესახებ“. როგორც ცნობილია, საქართველოს ორგანული კანონისადგილობრივი თვითმმართველობის კოდექსი“ 61- მუხლის შესაბამისად, ლანჩხუთის მუნიციპალიტეტის ორგანოების საქმიანობის აუდიტორული შემოწმების ჩატარების მიზნით მოწვეულ უნდა იქნას აუდიტორი. შემოწმების პერიოდად 2018 წლის 01 იანვრიდან 2018 წლის 31 დეკემბერი განისაზღვრა.

ბიურომ განიხილა  „ლანჩხუთის მუნიციპალიტეტის საკუთრებაში არსებული უძრავი ქონების პირდაპირი განკარგვის წესით, სასყიდლიანი სარგებლობის უფლებით გადაცემასა და ქონების ქირის წლიური საფასურის ოდენობის განსაზღვრაზე მერისათვის თანხმობის მიცემის შესახებ;

ლანჩხუთის მუნიციპალიტეტის 2019 წლის ბიუჯეტის განსახორციელებელ ცვლილებებზე მერიის საფინანსო-საბიუჯეტო სამსახურის უფროსმა ისაუბრა. წარმოდგენილ საკითხს დეტალურად განიხილავს საკრებულოს კომისიები და ფრაქციები, რის შემდეგაც  შესაბამის გადაწყვეტილებას საკრებულოს სხდომაზე მიიღებს.

ბიურიმ მოისმინა და ცნობად მიიღო ლანჩხუთის მუნიციპალიტეტის 2018 წლის ბიუჯეტის დეკემბრის თვის შესრულების შესახებ ანგარიში. როლანდ ლაშხიამ  მიმოიხილა ასევე გასული წლის ბიუჯეტი. როგორც აღნიშნა, 2018 წლის ბიუჯეტი შემოსავლების კუთხით ერთ-ერთი ყველაზე მოცულობითია. ბიუჯეტი წელს გადაჭარბებით, 101 % -ით შესრულდა, ხოლო შემოსავლების კუთხით 110%-ით. თუმცა როგორც აღინიშნა ის  სამი კომპონენტიც, რომელიც ვერ შესრულდა: მოსაკრებელი ბუნებრივი რესურსებით სარგებლობისთვის,  დასუფთავების მოსაკრებელი და არაფინანსური აქტივების გეგმა.

დღის წესრიგით განსაზღვრული საკითხები, შემდგეომი განხილვის მიზნით გადაეგზავნა საკრებულოს შესაბამის კომისიებსა და ფრაქციებს. ბიუროს გადაწყვეტილებით, საკრებულოს მორიგი სხდომის თარიღად 30 იანვარი, 11 საათი განისაზღვრა.


ტრადიციული ალილო ლანჩხუთში

ლანჩხუთში ალილოს ტრადიციული მსვლელობა მოეწყო.
საზეიმო მსვლელობა ივერიის ღვთისმშობლის ხატის სახელობის საკათედრო ტაძრიდან დაიწყო. მრევლს ლაჩხუთის მერის მოადგილე გიორგი ფაცურია და საკრებულოს თავმჯდომარის მოადგილე ვლადიმერ ნანაძე შეურთდნენ და მეალილოეებს საშობაო საჩუქრები გადასცეს.
_ვულოცავ თითოეულ მათგანს, ლანჩხუთს და მთლიანად საქართველოს შობის ბრწყინვალე დღესასწაულს. უფლის მადლი, წყალობა და მფარველობა არ მოგკლებდეთ. მრავალ შობას დაგასწროთ უფალმა- განაცხადა მერის პირველმა მოადგილე, გიორგი ფაცურიამ

ლანჩხუთს ვაჟიანობა დაებედა

ლანჩხუთს ვაჟიანობა დაებედა. 2019 წლის პირველივე წუთებში დავით მუსხრიკიძე მოევლინა ქვეყანას.
დავითი სოფელ ღრმაღელიდანაა და ოჯახის მესამე შვილია.
როგორც მეან-გინეკოლოგმა ევგენი ჩიჩუამ გვითხრა, პატარა დედიკოსთან ერთად თავს კარგად გრძნობს.

მერმა ახალი წელი მიულოცა

ლანჩხუთის მუნიციპალიტეტის მერმა ალექსანდრე სარიშვილმა და საკრებულოს თავმჯდომარის მოადგილე ვლადიმერ ნანაძემ ახალი წელი იმ ადამიანებს მიულოცეს, რომლებიც მთელი ღამის განმავლობაში თითოეული ჩვენგანის სიცოცხლის სადარაჯოზე დგანან.
მუნიციპალიტეტის ხელმძღვანელი პირები თავდაპირველად პოლიციისა და სახანძრო-სამაშველო სამსახურების თანამშრომლებს ესტუმრნენ. ისინი მთელი ღამის განმავლობაში საგანგებო რეჟიმში მუშაობდნენ.
შემდეგ კი რეგიონული ჯანდაცვის ცენტრსა და „მედალფას“ კლინიკის პერსონალს, ასევე სასწრაფო დახმარების ცენტრის თანამშრომლებს ეწვივნენ.
_გილოცავთ ახალი, 2019 წლის შემობრძანებას. ეს წელი წარმატებების, სიხარულის, სიკეთის და ბედნიერების მომტანი ყოფილიყოს თქვენთვის. ყოველივე საუკეთესოს გისურვებთ“-განაცადა მუნიციპალიტეტის მერმა.

 

საახალწლო კონცერტი ლანჩხუთში

ლანჩხუთში საახალწლო კონცერტი საღამოს 23:00 საათზე დაიწყო. ღონისძებაში მონაწილეობას ადგილობრივ შემსრულებლებთან ერთად ბენდი „two x two" და „x ფაქტორის“ მონაწილე გიორგი ფუტკარაძე იღებდნენ.
ახალი წლის შემობრძანება ლანჩხუთელებს მუნიციპალიტეტის მერმა ალექსანდრე სარიშვილმა და საკრებულოს თავმჯდომარის მოადგილე ვლადიმერ ნანაძემ მიულოცეს.
ღონისძიების ორგანიზატორი ლანჩხუთის მუნიციპალიტეტის მერია და კულტურის დაწესებულებათა გაერთიანება გახლდათ.

ქვეკატეგორიები

  • განცხადება

     

    2013  წლის 24 ოქტომბერს  10 საათზე გაიმართება ლანჩხუთის მუნიციპალიტეტის საკრებულოს სხდომა.

     

  • ლანჩხუთში სოფლის მეურნეობის სამინისტროს წარმომადგენლები იმყოფებოდნენ


    22 იანვარს ლანჩხუთში სოფლის მეურნეობის სამინისტროს წარმომადგენლები იმყოფებოდნენ. შეხვედრას ესწრებოდნენ გამგეობის შესაბამისი სამსახურები, ასევე სოფლის ლანჩხუთში 21 მრავალშვილიანი ოჯახი სოციალურ დახმარებას იღებს

     

    საქართველოს პრემიერ-მინისტრის ინიციატივით, 2014 წლის პირველი ივნისიდან საქართველოში დაბადებულ და საქართველოს მოქალაქეობის მქონე მესამე და შემდეგ შვილზე ბუნებრივი მატების არმქონე რეგიონებში მცხოვრები ოჯახები ყოველთვიურად ფულად დახმარებას იღებენ.

    გურია იმ რეგიონთა სიაში მოხვდა, სადაც შობადობა გარდაცვალებაზე ნაკლებია, შესაბამისად, აღნიშნული დახმარება აქ მცხოვრებ მრავალშვილიან ოჯახებსაც გაეწიათ.

    სოციალური მომსახურების სააგენტოს ლანჩხუთის განყოფილების უფროსის, მაკა გოგიჩაიშვილის თქმით, ლანჩხუთში მესამე და შემდეგ ბავშვზე ყოველთვიურ დახმარებას, 150 ლარის ოდენობით, ამ ეტაპზე 21 ოჯახი იღებს, თუმცა განცხადებების მიღება გრძელდება და ეს რიცხვიც გაიზრდება:

    - იმისათვის, რომ ოჯახმა სახელმწიფო დახმარება მიიღოს, აუცილებელია განყოფილებაში წარმოადგინოს მშობლების პირადობისა და ბავშვების დაბადების მოწმობები. ერთ-ერთი მშობელი ადგილზევე შეავსებს განცხადების ფორმას, რის შემდეგაც მის სახელზე „ლიბერთი ბანკში“ გაიხსნება ანგარიში, რომელზედაც ყოველთვიურად დაერიცხება თანხა, - გვითხრა განყოფილების უფროსმა.

    მისივე თქმით, იმ შემთხვევაში, თუ აგენტის მიერ ოჯახის ზედიზედ ორჯერ შემოწმების შედეგად დადგინდა, რომ ოჯახი არ ცხოვრობს მითითებულ მისამართზე, მას დახმარება ავტომატურად ეხსნება.

    როგორც უკვე აღვნიშნეთ, ამ ეტაპზე ყოველთვიურ დახმარებას 150 ლარის ოდენობით, ლანჩხუთში 21 მრავალშვილიანი ოჯახი იღებს.

საჯარო ინფორმაცია
სმს გამოწერა

ელექტრონული პეტიცია