17 | 12 | 2018

პატრიცია როჰოჟინსკა ლანჩხუთში იმყოფებოდა

23 დეკემბერს ლანჩხუთისგამარჯვებულ ქალთა კლუბსსტუმრად ეწვია პოლონეთის საელჩოს ექსპერტი კულტურის განვითარების საკითხებში პატრიცია როჰოჟინსკა.
მასგამარჯვებულ ქალთა კლუბისგურიის რეგიონული ოფისის ხელმძღვანელი მზია კვირკველია და გამგეობის სოციალური სამსახურის უფროსი მარინე კეიდია მასპინძლობდნენ.
ქალბატონი პატრიცია მუნიციპალიტეტის საკრებულოს თავმჯდომარეს ამირან გიგინეიშვილს და დეპუტატებს შეხვდა. შემდეგ მანგამარჯვებულ ქალთა კლუბისლანჩხუთის ოფისი დაათვალიერა. მასპინძლებთან ერთად სპორტულ დარბაზში გადაინაცვლა, სადაც ვარჯიშები ტარდება კლუბის წევრებისათვის.
ქალბატონი პატრიცია გაესაუბრა მათ. ქალბატონებმა მადლობა გადაუხადეს მხარდაჭერისთვის, თავის მხრივ საელჩოს წარმომადგენელი ქალბატონებს დაჰპირდა, გაცვლითი პროგრამით პოლონეთში ვიზიტს.
გამარჯვებულ ქალთა კლუბისხელმძღვანელმა სტუმარს ერთი წლის განმავლობაში კლუბის მუშაობის შესახებ უამბო.
შემდეგ კი საგანმანათლებლო რესურს-ცენტრის დარბაზში გადაინაცვლეს, სადაც კლუბის ორ კვირაში ერთხელ იკრიბებიან და ერთმანეთს საკუთარ გამოცდილებას უზიარებენ.

საგანმანათლებლო რესურს-ცენტრის ორგანიზებით კონცერტი ჩატარდა

20 დეკემბერს ლანჩხუთის საგანმანათლებლო რესურს-ცენტრის ორგანიზებით კულტურის ცენტრში წლის შემაჯამებელი საახალწლო ღონისძიება გაიმართა.
კულტურის ცენტრის ფოიეში მოსწავლეებმა თავიანთი შემოქმედება წარმოადგინეს, რომელიც ძირითადად საახლწლო თემატიკაზე იყო აგებული.
როგორც რესურს-ცენტრის ხელმძღვანელმა ნინო ჩიტაძემ განაცხადა, ღონისძიებაში მონაწილეობა ყველა სკოლამ მიიღო. ბავშვებმა წარმოადგინეს თავიანთი შემოქმედება.
ქალბატონმა ნინომ იმ შედეგებზე ისაუბრა, რითაც სასწავლო წლის პირველ სემეტრს მუნიციპალიტეტის სკოლები ასრულებენ.
გამგეობის სპორტის და ახალგაზრდულ საქმეთა სამსახურის ხელმძღვანელმა სოფო ჩხაიძემ ოზურგეთში გამართულმხიარულ სტარტებშიმეორე და მესამე ადგილზე გასულ ჯურუყვეთის, სუფსისა და პირველი საჯარო სკოლების მოსწავლეებს საჩუქრები გადასცა.

 



საკრებულოს ბიუროს სხდომა გაიმართა

 

20 დეკემბერს ლანჩხუთის მუნიციპალიტეტის საკრებულოს ბიუროს სხდომა გაიმართა.
()იპ ლანჩხუთის მუნიციპალიტეტის უფასო სასადილო მზრუნველობამოკლებულთათვის შემოწმების მასალების განხილვის შესახებ საკითხი საკრებულოს თავმჯდომარე ამირან გიგინეიშვილმა წარმოადგინა.
მისი თქმით, გამგეობის აუდიტის სამსახურის მიერ შემოწმდა აღნიშნული სასადილო. სამსახურმა საკრებულოს წარმოუდგინა ანგარიში, რომელშიც აღნიშნულია ხარვეზებისა და ნაკლოვანებების შესახებ, რომელიც სასადილოში არსებობს. ანგარიშში წარმოდგენილია 2007 წლიდან 2013 წლის 1 ივლისამდე არსებული პერიოდი. აუდიტის სამსახური ფაქტებზე დაყრდნობით ანგარიშში ამბობს, რომ სასადილო ხშირ შემთხვევაში აღურიცხავი პროდუქტებით მარაგდება. მიზანშეწონილია ბენეფიციართა დაფინანსება და გაზრდის მოთხოვნა არ მოხდეს სასადილოს მენეჯერის მიერ, აღნიშნული განეკუთვნება სოციალური სამსახურის პრეროგატივას. ბენეფიციართა სიიდან ამოღება უნდა მოხდეს გამგეობის სოციალური სამსახურის შესაბამისი დასკვნით. სრულყოფილად უნდა მოხდეს ბიუჯეტიდან მიღებული თანხების აღრიცხვა, უზრუნველყონ შესაბამისი საბუღალტრო დოკუმენტაციის სრულყოფილად შედგენა და ..
ანგარიში განსახილველად გადაეცა საკრებულოს საფინანსო-საბიუჯეტო და ეკონომიკურ და სოციალურ საკითხთა კომისიებს. როგორც სოციალური კომისიის თავმჯდომარე, გოჩა ჯანაშიამ განაცხადა, განიხილეს საკითხი და მიზანშეწონილად მიაჩნიათ, საყვედური გამოეცხადოს და დაევალოსუფასო სასადილო მზრუნველობამოკლებულთათვისხელმძღვანელს, გელა რიონიძეს, აღმოფხვრას აღნიშნული ნაკლოვანებები.
რაც შეეხება დღისწესრიგით გათვალისწინებულ მეორე საკითხს, რომელიც მუნიციპალიტეტის სკოლამდელი საგანმანათლებლო სააღმზრდელო ცენტრის შემოწმების მასალების განხილვას შეეხებოდა, საკრებულოს თავმჯდომარის გადაწყვეტილებით, ამ შემთხვევაში აუდიტი მხოლოდ შენიშვნებით შემოიფარგლა და ცენტრის ხელმძღვანელობას ამ შენიშვნების გათვალისწინება დაევალა.
საფინანსო სამსახურის ხელმძღვანელის მოვალეობის შემსრულებელს ნინო კიკვაძეს დაევალა 2013 წლის ბიუჯეტში 2012 წლის 10 დეკემბრის #34 დადგენილებაში ცვლილების შეტანის თაობაზე საკითხის მომზადება საკრებულოს სხდომისთვის.
გარდა ამისა, ბიუროს წევრებს დაევალათ 2014 წლის პრიორიტეტების დოკუმენტის მომზადება. რაც შეეხება 2014 წლის ბიუჯეტს, პროექტი განსახილველად გადაეგზავნა ფრაქციებსა და კომისიებს.
საკრებულომ ასევე ისაუბრა მუნიციპალიტეტის საკრებულოს თანამდებობის პირთა აპარატის მოსამსახურეთა თანამდებობრივი სარგოს მოწესრიგების თაობაზე. დაევალათ შესაბამის კომისიებს ამ საკითხის მომზადება.
ბიუროს გადაწყვეტილებით, 2013 წლის ბოლო საკრებულოს სხდომა 27 დეკემბერს გაიმართება.

ვახტანგ ზენაიშვილი მამათში იმყოფებოდა

20 დეკემბერს სოფელ მამათში ლანჩხუთის მუნიციპალიტეტის გამგებლის მოადგილე ვახტანგ ზენაიშვილი იმყოფებოდა.
ბატონმა ვახტანგმა რწმუნებულთან, გელა პატეიშვილთან, ერთად სოფლის ყველა ორღობე და ოზურგეთთან დამაკავშირებელი გზა დაათვალიერა.
როგორც რწმუნებულმა განაცხადა, მამათში 70-80 სანტიმეტრამდე თოვლი მოვიდა. შეფერხდა მოძრაობა,ჩაიკეტა შიდა გზები, გათიშული იყო ელექტროენერგია. დაზიანებული იყო 13 მაღალი ძაბვის გადამცემი ბოძი.ამდროისთვის ყველა აღდგენილია. გაწმენდილია შიდა გზებიც. თუმცა ღამით ძლიერი ყინვის გამო ცენტრალური გზის ზოგიერთი მონაკვეთი მოიყინა.
ბატონი ვახტანგ ზენაიშვილი მოსახლეობას გაესაუბრა. მათი თქმით, მანდარინის ფასი 35-70 თეთრამდე (ხარისხთან შესაბამისად) მერყეობს, კერძო მეწარმეებს მცირე რაოდენობით, მაგრამ გააქვთ ციტრუსი. 70-80 თეთრი ღირს კივი, რომლის მყიდველიც, როგორც მამათელებმა აღნიშნეს, საკმაოდაა.

გელა პატეიშვილის თქმით,მთავარი სასოფლო გზები გაწმენდილია. მაღალი გამავლობის მანქანებით მოძრაობა შეუფერხებელია. დარჩენილი იყო ორღობეებში 800 მეტრამდე მანძილის გაწმენდა და ეს სამუშაოც დღის ბოლომდე დასრულდება.

ცნობა

2013 წლის  24 დეკემბერს 12 საათზე მუნიციპალიტეტის ადმინისტრაციული შენობის მე-3 სართულზე სააქტო დარბაზში გაიმართება „ლანჩხუთის მუნიციპალიტეტის 2014 წლის ბიუჯეტის დამტკიცების შესახებ „ ლანჩხუთის მუნიციპალიტეტის საკრებულოს დადგენილების პროექტის საჯარო განხილვა.

განხილვაში მონაწილეობის მიღების მსურველებმა ამა წლის 23 დეკემბრის 18 საათამდე რეგისტრაცია უნდა გაიარონ საკრებულოს აპარატში მისამართზე : ქ.ლანჩხუთი, კოსტავას ქ. N 37, ლანჩხუთის მუნიციპალიტეტის ადმინისტრაციული შენობის მე-2 სართული . პასუხისმგებელი პირი ნინო ძიძიგური-საკრებულოს აპარატის უფროსი. ტელ : 0494 22 30 09.

 

ცნობა  პროექტის საჯარო განხილვის შესახებ შეგიძლიათ იხილოთ მუნიციპალიტეტის ოფიციალურ ვებ-გვერდზე, კატეგორიაში „პროექტები“.

განცხადება

ჩვენს ოფიციალურ ვებ- გვერდზე : Lanchkhuti.org.ge ,კატეგორიაში „პროექტები“ ატვირთულია 2014 წლის ადგილობრივი ბიუჯეტის პროექტი, დაინტერესებულ პირებს შეუძლიათ გაეცნონ მას,თავიანთი მოსაზრებები და წინადადებები მოგვაწოდონ შემდეგ მისამართზე : ქ. ლანჩხუთი, კოსტავას ქ. N37, საკრებულოს აპარატის უფროსი ნინო ძიძიგური. ტელ. : 22 30 09

 

ქვეკატეგორიები

საჯარო ინფორმაცია
სმს გამოწერა

ელექტრონული პეტიცია