22 | 07 | 2018

საკრებულოს ბიუროს სხდომა

ლანჩხუთის მუნიციპალიტეტის საკრებულოს ბიუროს სხდომა გაიმართება 2013 წლის 24 ივლისს, დღის 12 საათზე.

კულტურის ცენტრის ხელმძღვანელად გია ქურიძე დაინიშნა

22 ივლისს,ლანჩხუთის მუნიციპალიტეტის საკრებულოს თავმჯდომარე ამირან გიგინეიშვილმა ლანჩხუთის კულტურის სახლის მუშაკებს ახალი ხელმძღვანელი, კულტურის ცენტრის ყოფილი რეჟისორი, გია ქურიძე წარუდგინა.

შეხვედრას ასევე ესწრებოდა გამგებლის მოადგილე ვახტანგ ზენაიშვილი,რომელმაც შეკრებილ თანამშრომლებს მიმართა და ქურიძეს წარმატებები უსურვა.

ახლდდანიშნულმა ხელმძღვანელმა თავის სამომავლო გეგმებზე ისაუბრა.

20 ივლისს თემურ ფირცხალაიშვილი გაიხსენეს

20 ივლისს თემურ ფირცხალაიშვილის სახელობის შემოქმედთა მუზეუმისა და კულტურული მემკვიდრეობის დაცვისა და განვითარების ცენტრის ინიციატივით პოეტ თემურ ფირცხალაიშვილის დაბადების დღე აღინიშნა მისსავე სახელობის შემოქმედთა მუზეუმში.

ღონისძიებას ესწრებოდნენ ადგილობრივი ხელისუფლების ხელმძღვანელი პირები, თემურის მეგობრები, ახალგაზრდა პოეტები და ადგილობრივი გაზეთების ჟურნალისტები.

ია ანთაძე ჟურნალისტებს შეხვდა

18 ივლისს ლანჩხუთში "სამოქალაქო განვითარების ინსტიტუტის" ხელმძღვანელი ია ანთაძე თავის კოლეგებთან ერთად იმყოფებოდა.იგი ადგილობრივი გაზეთების ჟურნალისტებს შეხვდა. მათ ერთად ნახეს ჟურნალისტ თომა ჩაგელიშვილის დოკუმენტური ფილმი "ცხელი არჩევნები".

შეხვედრა სუფსის ტერიტორიული ერთეულის მოსახლეობასთან

17 ივლისს ლანჩხუთის მუნიციპალიტეტის გამგებელი ზაზა ურუშაძე სუფსის ტერიტორიული ერთეულის მოსახლეობას შეხვდა.
სოფელში კვლავ პრობლემად რჩება სოფლის მეურნეობის ბარათები, რომლებიც მოსახლეობას დღემდე არ მიუღია. როგორც გამგებელმა აღნიშნა, უკვე მერამდენედ გადაიგზავნა ლანჩხუთიდან იმ პირების სია, რომლებსაც ბარათი არ მიუღიათ. იგი გასულ კვირაში შეხვდა სოფლის მეურნეობის მინისტრს, პირადად ესაუბრა ამ საკითხზე და იმედოვნებს, რომ ეს პრობლემა უახლოეს მომავალში მოგვარდება.
სოფელში არსებობს გზისა და სასმელი წყლის პრობლემა. მიმდინარე წელს სოფლის პროგრამის ფარგლებში სუფსისთვის 97 000 ლარია გამოყოფილი.
სუფსის ტერიტორიულ ერთეულში რამდენიმე ოჯახს საცხოვრებელი სახლი ავარიულ მდგომარეობაში აქვს, გამგებელმა მათ დახმარება აღუთქვა.

პოეტი ნიაზ ბოლქვაძე ლანჩხუთს ესტუმრა

 

17 ივლისს ლანჩხუთში იმყოფებოდა მწერალი და ფილოსოფოსი ნიაზ ბოლქვაძე. იგი ცენტრალურ ბიბლიოთეკაში შეხვდა ლანჩხუთელებს. შეხვედრას საკრებულოს თავმჯდომარე ამირან გიგინეიშვილი ესწრებოდა. ბატონ ნიაზთან ერთად აჭარიდან ლანჩხუთური ფესვების მქონე პოეტები ცისანა ანთაძე, ინგა გოგუაძე და .. იმყოფებოდნენ.
ბიბლიოთეკის ხელმძღვანელმა ნუნუ ენუქიძემ ნიაზ ბოლქვაძის პოეზიის შესახებ ისაუბრა, ხოლო ლიტერატურული გაერთიანებასამებასთანათავმჯდომარე მაგული კვაჭაძემ მისი საკმაოდ საინტერესო ბიოგრაფია გაგვაცნო.
ბატონმა ნიაზმა აჭარის ენციკლოპედიის ორტომეული და საკუთარი წიგნები ბიბლიოთეკასა და თემურ ფირცხალაიშვილის სახელობის შემოქმედთა მუზეუმს გადასცა.
ღონისძიების ორგანიზატორი თემურ ფირცხალაიშვილის სახელობის შემოქმედთა მუზეუმის ხელმძღვანელი დარეჯან ბიწაძე გახლდათ.

 

ქვეკატეგორიები

საჯარო ინფორმაცია
სმს გამოწერა

ელექტრონული პეტიცია