26 | 05 | 2018

125 წელი ამერიკაში გურული მხედრების შოუდან

გურული მხედრების ამერიკული ოდისეადან 125 წელი გავიდა. ამ დღესთან დაკავშირებით ლანჩხუთში ჩამოსული იყო ფილმის "გურულები ამერიკაში" რეჟისორი და არაერთი წიგნის ავტორი ირაკლი მახარაძე, რომელთანაც შეხვედრა მხარეთმცოდნეობის მუზეუმში შედგა. ღონისძიებას მხარის გუბერნატორი მერაბ ჭანუყვაძე, მოადგილე ქეთევან მოისწრაფეშვილი, მუნიციპალიტეტის მერი, ალექსანდრე სარიშვილი და საკრებულოს თავმჯდომარე, ბესიკ ტაბიძე ესწრებოდნენ. ირაკლი მახარაძემ გაიხსენა როგორ მოხვდნენ გურულები ამერიკაში. ისაუბრა იმ წლებზე, როცა ისინი სამშობლოში დაბრუნდნენ და იმ პრობლემებზე, რომლებიც მათ საბჭოთა ხელისუფლების მიერ შეექმნათ. დასასრულ, ირაკლი მახარაძემ მადლობა გადაუხადა თითოეულ სტუმარს.


ნიგვზიანში საცხოვრებელი სახლი დაიწვა

ნიგვზიანის ადმინისტრაციულ ერთეულში ვიტალი დავითაძის საცხოვრებელი სახლი დაიწვა. ხანძარს მსხვერპლი არ მოჰყოლია. ოჯახის წევრების ვარაუდით, ხანძარი ელექტროსადენმა გამოიწვია. შემთხვევის ადგილზე მობილიზებული იყო სახანძრო-სამაშველო ჯგუფი, თუმცა მხოლოდ რამდენიმე ოთახის გადარჩენა მოხერხდა. ადგილზე მუნიციპალიტეტის მერი ალექსანდრე სარიშვილი და საკრებულოს თავმჯდომარე ბესიკ ტაბიძე იმყოფებოდნენ. ალექსანდრე სარიშვილის განცხადებით, მერია დაზარალებულს შესაძლებლობის ფარგლებში დახმარებას გაუწევს.


სასკოლო ოლიმპიადა ფრენბურთში

4 ფოტო · Updated 4 საათის წინ

სასკოლო ოლიმპიადის მორიგი ტურნირი ამჯერად ფრენბურთში ჩატარდა. მონაწილეობა შეჯიბრში მუნიციპალიტეტის ყველა საჯარო და ერთმა კერძო სკოლამ მიიღო. საბოლოოდ კი ადგილები ასე გადანაწილდა: ვაჟებს შორის პირველი ადგილი ნიგოითის საჯარო სკოლამ დაიკავა; სუფსის საჯარო სკოლა მეორე ადგილზე გავიდა, ხოლო წყალწმინდის საჯარო სკოლა მესამე ადგილს დასჯერდა. გოგონებს შორის კი ადგილები ასე გადანაწილდა: პირველი ადგილი - ლესის საჯარო სკოლამ დაიკავა; ჩოჩხათის საჯარო სკოლა მეორე ადგილოსანი გახდა, ხოლო სასულიერო გიმნაზია მესამეზე გავიდა. სასკოლო ოლიმპიადა მხიარული სტარტებით დასრულდება.

ბიუჯეტში შესატან ცვლილებას მხარი დაუჭირეს

დღეს ლანჩხუთის მუნიციპალიტეტის საკრებულოს რიგგარეშე სხდომა გაიმართა, რომელსაც ბესიკ ტაბიძე უძღვებოდა. სხდომაზე დღის წესრიგით განსაზღვრული ერთი საკითხი განიხილეს, რომელიც 2018 წლის ბიუჯეტში ცვლილების განხორციელებას გულისხმობს. სხდომას მუნიციპალიტეტის მერი, ალექსანდრე სარიშვილი ესწრებოდა, რომელიც საკითხთან დაკავშირებით საკრებულოს წევრების შეკითხვებს პასუხობდა. საკრებულომ აღნიშნულ ცვლილებებს მხარი დაუჭირა. მომხსენებლის განმარტებით, 2017 წლის 27 დეკემბრის N2712 განკარგულებით ლანჩხუთის მუნიციპალიტეტს სტიქიის სალიკვიდაციო ღონისძიებისათვის გამოეყო 3200000 ლარი. აქედან პირველ ეტაპზე 271741 ლარი მიიმარა ფიზიკური პირების დაზიანებული სახლების სახურავების და ელ- გაყვანილობის მასალების შეძენისათვის 209415 ლარი, ჯურყვეთის ადმინისტრაციულ შენობის სახურავის შეცვლაზე 42649 ლარი, ჩიბათის ადმინისტრაციულ ერთეულში საბავშვო ბაღის დაზიანებული სახურავის და ფასადის აღდგენაზე 19677 ლარი. ტენდერების შედეგად გამოთავისუფლებული 25608 ლარი და გაუნაწილებელი 2928259 ლარი, სივრცითი მოწყობის და ინფრასტრუქტურის სამსახურის უფროსის წერილის საფუძველზე , მიიმართება გზების, ხიდების, წყალმომარაგების რეაბილიტაციასა და ნაპირსამაგრის მოწყობის სამუშაოებზე. საპროექტო დოკუმენტაციის და საამშენებლო სამუშაოების ტექნიკური ზედამხედველობის მომსახურების შესყიდვის ხარჯი გაიზარდა 80000 ლარით. ა(ა)იპ სარეაბილიტაციო ცენტრი „იავნანა“-ს დაფინანსება -1700 ლარით, სოც-კულტურული ღონისძიებების ხარჯი - 54600 ლარით, მათ შორის არტ -გენის ფესტივალის ჩატარებისათვის გამოეყო 24600 ლარი, შემოქმედთა წახალისებისათვის 1000 ლარი და ტრანსპორტირებისათვის 1000 ლარი, გურიის ტურიზმის განვითარებისათვის 28000 ლარი. ა(ა)იპ სოფლის მეურნეობის განვითარების, მეწარმეთა საქმიანობის ხელშეწყობის, ინვესტიციების და ტურიზმის ცენტრის სუფსიდირება გაიზარდა11000 ლარით, ა(ა)იპ კულტურის დაწესებულებათა გაერთიანების ცენტრის დაფინანსება 26 მაისის ღონისძიებასთან დაკავშირებით გაიზარდა 11000 ლარით, ა(ა)იპ ლანჩხთუთის მუნიციპალიტეტის საფეხბურთო კლუბი ლანჩხუთის გურიას დავალიანების დაფარვის მიზნით გამოეყო 40000 ლარი, ა(ა)იპ სპორტული ცენტრის დაფინანსება გაიზარდა 15000 ლარით (ჩიბათის საფეხბურთო გუნდის ფუნქციონირებისათვის). აღნიშნული ღონისძიებების დაფინანსება უზრუნველყოფილი იქნეს არაფინანსური აქტივების კლების მუხლის 213300 ლარით ზრდის ხარჯზე. მუნიციპალიტეტის მერიის სხვა საქონელი და მომსახურების მუხლის 5000 ლარის შემცირების ხარჯზე გაიზარდა მივლინების ხარჯი 5000 ლარით. მუნიციპალიტეტის საკრებულოს სხვა საქონელი და მომსახურების მუხლის 2000 ლარის შემცირების ხარჯზე გაიზარდა მივლინების ხარჯი 2000 ლარით. ,,როგორც ცნობილია, მუნიციპალიტეტში შეიქმნა შპს ქალთა საფეხბურთო კლუბი ,,ლანჩხუთის ლანჩხუთი“. დღემდე ვერ მოხერხდა ურთიერთშეთანხმება ა(ა)იპ ლანჩხუთის მუნიციპალიტეტის სპორტული ცენტრსა და აღნიშნულ შპს-ს შორის თანხის გამოყოფასთან დაკავშირებით. ახლახანს მოგვაწოდეს ინფორმაცია, რომლის გათვალისწინებით, ა(ა)იპ ლანჩხუთის მუნიციპალიტეტის სპორტული ცენტრის დაფინანსება შემცირდება 28000 ლარით და შპს ქალთა საფეხბურთო კლუბ ,,ლანჩხუთის ლანჩხუთის“ დაფინანსება განისაზღვრება 28000 ლარით“, აღნიშნა მერიის საფინანსო სამსახურის უფროსმა, როლანდ ლაშხიამ.


მავნებლის წინააღმდეგ ბრძოლა დაიწყო

სამი ერთეული ტექნიკა დღეს დილიდან შეუდგა მუშაობას. აზიურ ფაროსანასთან ბრძოლა ნიგოითის ადმინისტრაციული ერთეულიდან დაიწყო. თერმული ნისლის აპარატით დამუშავდება საკარმიდამო ნაკვეთები. სამუშაოების დაწყების შესახებ მერის წარმომადგენლის მიერ წინასწარ ხდება მოსახლეობის ინფორმირება. ამასთან სურსათის ეროვნული სააგენტოს სპეციალისტები აფრთხილებენ მოსახლეობას, წამლობის დასრულებამდე არ გამოუშვან სკებიდან ფუტკარი! ამჟამად მიმდინარეობს ქიმიური დამუშავება იმ ფართობების, სადაც დამჭერებზე მავნებლის ზღვრული რაოდენობა დაფიქსირდა. რაც შეეხება სახელმწიფოს საკუთრებაში არსებულ ტერიტორიებს, „მოიზიდე და გაანადგურე“ სადგურების გამოყენებით, ცივი შესხურების მეთოდით შეიწამლება. ნიგოითში იმყოფებოდა მუნიციპალიტეტის მერი ალექსანდრე სარიშვილი, რომელიც მავნებელთან ბრძოლის ღონისძიებებს დილიდანვე აკვირდებოდა.


განსაკუთრებული საჭიროების მქონე პირებს ეტლები გადაეცა

ლანჩხუთის მუნიციპალიტეტში მცხოვრებ განსაკუთრებული საჭიროების მქონე პირებს ასოციაცია "ქალები მშვიდობისა და სიცოცხლისათვის" ორგანიზებით ეტლები გადაეცათ. ეტლები ბენეფიციარებს გურიის გუბერნატორმა მერაბ ჭანუყვაძემ, ლანჩხუთის მუნიციპალიტეტის მერმა ალექსანდრე სარიშვილმა და საკრებულოს თავმჯდომარემ ბესიკ ტაბიძემ პირადად მიუტანეს. როგორც ლანჩხუთის მუნიციპალიტეტის მერმა ალექსანდრე სარიშვილმა აღნიშნა, „საქართველოს ქალები მშვიდობისა და სიცოცხლისათვის“ ორგანიზაციასთან და გურიის სამხარეო ადმინისტრაციასთან ერთად მჭიდრო თანამშრომლობით, მაქსიმალურად ხდება მუნიციპალიტეტში მცხოვრები განსაკუთრებული საჭიროების მქონე პირების დახმარება. ,,საქართველოს ქალები მშვიდობისა და სიცოცხლისათვის“ წარმომადგენლის ლანჩხუთის მუნიციპალიტეტში, თამარ ფირცხალაიშვილის თქმით, ამჯერად განსაკუთრებული შესაძებლობის მქონე 7 პირს გადაეცა ეტლი. განცხადებების მიღება მომავალშიც გაგრძელდება.


ქვეკატეგორიები

საჯარო ინფორმაცია
სმს გამოწერა