17 | 12 | 2018

კომისიამ ინფრასტრუქტურული სამუშაოები დაათვალიერა

ლანჩხუთის მუნიციპალიტეტის საკრებულოს სივრცით-ტერიტორიული დაგაგმარებისა და ინფრატსრუქტურის კომისიის თავმჯდომარე, გიორგი გვარჯალაძე, ამავე კომისიის წევრები- ბესიკ კუპრაძე და სპარტაკ კვაჭაძე სოფელ წყალწმიმდაში იმყოფებოდნენ. კომისიამ მიმდინარე და დასრულებული ინფრასტრუქტურული პროექტები დაათვალიერა. დასრულდა სააფლაოსთან მისასვლელი გზის რეაბილიტაცია, მოეწყო რკინა-ბეტონის გზა და კედელი, რომლის ღირებულება 28 ათას ლარამდეა. ასევე მიმდებარედ მოეწყო რკინა-ბეტონის სანიაღვრე არხები. კომისიამ წყალწმინდის საჯარო სკოლასთან რკინა-ბეტონის გზის მონაკვეთი დაათვალიერა, რომლის სიგრძე 400 მეტრია. როგორც კომისიის წევრებმა აღნიშნეს, წყალდიდობის შედეგად, ჩამონატანმა ქვა-ღორღმა ძირი გამოაცალა ბეტონის საფარს. აუცილებელია შესაბამისი ზომების მიღება და დაზიანებული მონაკვეთის დროულად გამაგრება.


სოხუმის დაცემიდან 25 წელი გავიდა

 

დღეს სოხუმის დაცემის დღესთან დაკავშირებით აგარაკის ივერიის ღვთისმშობლის ხატის სახელობის ტაძარში გმირთა სულების მოსახსენებლი პანაშვიდი აღევლინა, რომელსაც მუნიციპალიტეტის მერი, ალექსანდრე სარიშვილი და საკრებულოს თამჯდომარე, ბესიკ ტაბიძე, ესწრებოდნენ.
ადგილობრივი ხელისუფლების ხელმძღვანელმა პირებმა აფხაზეთის ომში დაღუპული ლანჩხუთელი გმირების საფლავები ყვავილებით შეამკეს. შემდეგ კი ვაჟა თოდუას სახელობის მესამე საჯარო სკოლას ეწვივნენ, სადაც პედაგოგებთან ერთად გაიხსენეს აფხაზეთის ომი, გმირები, რომლებიც საქართველოს ისტორიის ნაწილად იქცნენ.
_დღეს ერთ-ერთი მძიმე დღეა ჩვენი ქვეყნისთვის. ძალიან ბევრი ქართველი, მათ შორის, ლანჩხუთელებიც შეეწირნენ ამ ომს... ერთიან და მთლიან საქართველოში გვეცხოვროს. ყველას გილოცავთ ჯვართამაღლებას, უფალი ფარავდეს ჩვენს სამშობლოს. - განაცხადა მუნიციპალიტეტის მერმა ალექსანდრე სარიშვილმა.
სოხუმის დაცემიდან 25 წელი გავიდა.
საქართველოს ტერიტორიული მთლიანობისათვის დაღუპულთა ოჯახებს მუნიციპალიტეტის მერიამ 300-300 ლარი ჩაურიცხა.

შეჯიბრი ამჯერად კალათბურთში გაიმართა

 

ევროპის სპორტული კვირეულის ფარგლებში იოანე ნათლისმცემლის სახელობის სასულიერო გიმნაზიის დარბაზში შეჯიბრი ამჯერად კალათბურთში გაიმართა, რომელშიც თითქმის ყველა სოფლის გუნდი იღებდა მონაწილეობას.
საბოლოო გამარჯვება „x-ძალას“ ხვდა წილად. მეორე ადგილზე „კავალერები“ გავიდნენ, ხოლო გიმნაზიის გუნდი მესამე ადგილს დასჯერდა.
გამარჯვებულებს მედლები, თასები და სიგელები მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახურის უფროსმა ია ჩხაიძემ და განყოფილების ხელმძღვანელმა, პაატა ურუშაძემ გადასცეს.

ევროპის სპორტულ კვირეულს მაჩხვარეთის ბაღიც შეუერთდა

 

ევროპის სპორტულ კვირეულს მაჩხვარეთის ბაგა-ბაღი მხიარული სტარტებით შეუერთდა.
პატარები სპორტის სხვადასხვა სახეობაში შეეჯიბრნენ ერთმანეთს.
მათ საჩუქრად ბურთები მერიის განათლების, კულტურის, სპორტისა და ახალგაზრდულ საქმეთა სამსახურის უფროსმა ია ჩხაიძემ გადასცა.
_ჩვენი ბავშვები განსაკუთრებულად ემზადებოდნენ ამ დღისთვის. ვფიქრობ, თავიც გამოიჩინეს და კარგი შედეგიც გვიჩვენეს. - აღნიშნა მაჩხვარეთის სააღმზრდელო ჯგუფის ხელმძღვანელმა თამარ კერესელიძემ.

ევროპის სპორტის კვირეულს მაჩხვარეთის ბაღიც შეუერთდა

 

ევროპის სპორტულ კვირეულს მაჩხვარეთის ბაგა-ბაღი მხიარული სტარტებით შეუერთდა.
პატარები სპორტის სხვადასხვა სახეობაში შეეჯიბრნენ ერთმანეთს.
მათ საჩუქრად ბურთები მერიის განათლების, კულტურის, სპორტისა და ახალგაზრდულ საქმეთა სამსახურის უფროსმა ია ჩხაიძემ გადასცა.
_ჩვენი ბავშვები განსაკუთრებულად ემზადებოდნენ ამ დღისთვის. ვფიქრობ, თავიც გამოიჩინეს და კარგი შედეგიც გვიჩვენეს. - აღნიშნა მაჩხვარეთის სააღმზრდელო ჯგუფის ხელმძღვანელმა თამარ კერესელიძემ.

ლანჩხუთის ღირშესანიშნაობები „ქალთა კლუბთან“ ერთად


„ლანჩხუთის „გამარჯვებულ ქალთა კლუბი“- ეს გურული ქალების გაერთიანებაა, რომელთაც გაბედეს, კიბოსთან ბრძოლა დაიწყეს და ბოლომდე მიიყვანეს. მათ სიტყვა კიბოსი აღარ ეშინიათ, დაავადებას აუმხედრდნენ და მთელს დუნიას გააგებინეს, რომ კიბოს განკურნება შესაძლებელია- ამბობს "გამარჯვებულ ქალთა კლუბის" საინფორმაციო პროექტის კოორდინატორი, ლიკა ენუქიძე.
სულ მალე 2019 წლის კალენდარი გამოვა _ ლანჩხუთის ღირშესანიშნაობები „გამარჯვებულ ქალთა კლუბთან ერთად“.
პროექტის ფარგლებში გადაღებები მიმდინარეობდა პალიასტომის ტბასა და ეგნატე ნინოშვილის სახლმუზეუმში, ჯიხეთის დედათა მონასტერში, თეატრში და ა.შ.
ქალბატონები განსაკუთრებული მონდომებით შეუდგნენ საქმეს... მთავარი გზავნილიც ხომ სწორედ ესაა: ნუ გეშინიათ! ჩვენ ვცოცხლობთ, ვიღიმით, ახალ თაობებს ვზრდით...
ლანჩხუთის მუნიციპალიტეტის მერიის ტურიზმის განვითარებისა და ეკონომიკის განყოფილების უფროსის მაია აფხაზავას თქმით, აღნიშნული პროექტი ხელს შეუწყობს მუნიციპალიტეტში ტურიზმის განვითარებას და ღირშესანიშნაობების პოპულარიზაციას.
პროექტის მხარდამჭერი ლანჩხუთის მუნიციპალიტეტის მერია გახლავთ.

ქვეკატეგორიები

საჯარო ინფორმაცია
სმს გამოწერა

ელექტრონული პეტიცია