23 | 08 | 2019

4 დეკემბერს ჯიხეთობა აღინიშნა

4 დეკემბერს ქრისტიანული სამყარო ღვთისმშობლის ტაძრად მიყვანების დღესასწაულს აღნიშნავს.

ყოველ წელს განსაკუთრებით აღინიშნება დღესასწაული სამება-ჯიხეთის დედათა მონასტერში, ვინაიდან მთავარი ტაძარი ღვთისმშობლის ტაძრად მიყვანების სახელობისაა.

დღეს საზეიმო წირვა-ლოცვა შემოქმედის ეპარქიის მიტროპოლიტმა მეუფე იოსებმა, ტაძრის წინამძღვარ-არქიმანდრიტ ანდრიასთან და გურიის ეპარქიის სამღვდელოებასთან ერთად აღავლინა.

სადღესასწაულო წირვა-ლოცვას წირვის შემდეგ მეუფე იოსებმა დღესასწაული მიულოცა სრულიად საქართველოს, გურიას და მრევლი დალოცა.

არა ქალთა მიმართ ძალადობას

"16 აქტიური დღე ქალთა მიმართ ძალადობის წინააღმდეგ" ფარგლებში , ფონდი ,,სოხუმის“ ლანჩხუთის ქალთა მხარდაჭერის ცენტრის ორგანიზებით, ლანჩხუთის მუნიციპალიტეტში მერიისას და საკრებულოს თანამშრომლებისთვის საინფორმაციო შეხვედრა ჩატარდა. მონაწილეებმა ერთხმად უარი უთხრეს ქალთა მიმართ ძალადობას და სიმბოლური თეთრი ბაფთებით და სლოგანებით გამოხატეს მხარდაჭერა საერთაშორისო კამპანიის მიმართ.


საკრებულოს თავმჯდომარემ ანგარიში წარადგინა

დღეს ლანჩხუთის მუნიციპალიტეტის საკრებულოს მორიგი სხდომა გაიმართა, რომელსაც საკრებულოს თავმჯდომარე, ბესიკ ტაბიძე უძღვებოდა.

საკრებულომ დაამტკიცა 2015 წლის 30 აპრილის №16 დადგენილებაშიცვლილება, ,,ლანჩხუთის მუნიციპალიტეტის ადმინისტრაციულ საზღვრებში რეგულარული სამგზავრო გადაყვანის (M1, M2 და M3 კატეგორიების ავტოსატრანსპორტო საშუალებებით) ნებართვის გაცემის ფასის განსაზღვრის, ნებართვის მაძიებელთა კონკურსში მონაწილეობის, მასში გამარჯვებულის გამოვლენის, სანებართვო მოწმობის ფორმის, ნებართვის მოქმედების ვადის, სანებართვო პირობებისა და ნებართვის გაცემის ფასის გადახდის წესის დამტკიცების შესახებ.

საკრებულომ ადმინისტრაციული წარმოება დაიწყო მიმდინარე წლის ბიუჯეტში ცვლილების განანსახორციელებლად. კერძოდ, საქართველოს მთავრობის განკარგულებით, რეგიონული განვითარებისა და ინფრასტრუქტურის სამინისტროს, სსიპ-საგანმანათლებლო და სამეცნიერო ინფრასტრუქტურის განვითარების სააგენტოსა და მუნიციპალიტეტებს შორის ურთიერთშეთანხმების მემორანდუმის საფუძველზე, სსიპ ზოგადსაგანმანათლებლო დაწესებულებების სამშენებლო და სარეაბილიტაციო სამუშაოების განხორციელების მიზნით, კაპიტალური გრანტის სახით ლანჩხუთის მუნიციპალიტეტს გამოეყო 102719,16 ლარი სოფელ ჩიბათის(სოფელ ჭალის კორპუსი), სოფელ ნინოშვილის საჯარო სკოლებისთვის.

საქართველოს მთავრობის 2018 წლის 9 ნოემბრის N2168 განკარგულებით, საქართველოს რეგიონებში განსახორციელებილი პროექტების ფონდიდან მუნიციპალიტეტს გამოეყო სტიქიის შედეგად მიყენებული ზიანის სალიკვიდაციო ღონისძიებების განხორციელების მიზნით, საპროექტო დოკუმენტაციის მომზადების, საამშენებლო სამუშაოებზე და მასთან დაკავშირებული საქონლისა და მომსახურების შესყიდვისათვის 300000 ლარი. აღნიშნული ღონისძიებები ბიუჯეტში აისახოს როგორც შემოსავლის, ისე ხარჯვის ნაწილში.

ა(ა)იპ ლანჩხუთის მუნიციპალიტეტისკეთლმოწყობისა და მომსახურების ცენტრი“- წერილის საფუძველზე, მიზანშეწონილად ჩაითვალა, აღნიშნულ დაწესებულებას დამატებით გამოეყოს დაფინანსება 15000 ლარის ოდენობით საახალწლო ღონსძიებების დასაფინანსებლად, უცხოური საწარმოთა ქონების გადასახადის 15000 ლარით ზრდის ხარჯზე.

ადმინისტრაციული წარმოება დაიწყო დადგენილების მისაღებად, „ლანჩხუთის მუნიციპალიტეტის საკრებულოს 2019 წლის  ბიუჯეტის დამტკიცების შესახებ“ . როგორც ცნობილია, საკრებულომ    ბიუჯეტის პროექტი შენიშვნებით მერიას 22 ნოემბერს დაუბრუნა. კანონმდებლობის შესაბამისად, უკვე ბიუჯეტის კორექტირებული პროექტი მერიამ საკრებულოში 10 დეკემბრამდე უნდა წარმოადგინოს.

ლანჩხუთის მუნიციპალიტეტის საკრებულოს თავმჯდომარემ, ბესიკ ტაბიძემ ერთი წლის მუშაობის ანგარიში წარადგინა.

საკრებულოს თავმჯდომარემ მოხსენება საანგარიშო პერიოდში ჩატარებულ სხდომებზე, მუშაობის შედეგად მიღებულ გადაწყვეტილებებზე, საკრებულოს მიერ მიღებულ დადგენილებებსა და განკარგულებებზე გაამახვილა.

მნიშვნელოვანი ადგილი დაეთმო საკრებულოსა და მერიის ურთიერთთანამშრომლობის შედეგად აქტების პროექტების მომზადება-ინიცირებასა და მუნიციპალიტეტში განხორციელებულ მნიშვნრელობან პროექტებს. მათ შორისაა ინფრასტრუქტურული პროექტები და სოციალური პროგრამები. მუნიციპალიტეტის ბიუჯეტიდან მიმდინარე წელს 16 სოციალური პროგრამა განხორციელდა (სულ 509 700 ლარით), რომლის ფარგლებში ფინანსდება, როგორც როგორც მზრუნველობამოკლებული ბენეფიციარების კვების უზრუნველყოფა, სოციალურად დაუცველი ბავშვების ფსიქო-სოციალური რეაბილიტაცია, ხორციელდება მრავალშვილიანი ოჯახების დახმარების, უსახლკარო ოჯახების ქირავნობის პროგრამაში ჩართვა, მნიშვნელოვანი ყურადღება ეთმობა ქრონიკული დაავადების მატარებელ ბენეფიციარებს, ასევე მძიმე საცხოვრებელ პირობებში, უბედური შემთხვევისა და სტიქიური მოვლენების შედეგად დაზარალებულ ოჯახებს და ა.შ.

ანგარიშში ასევე საუბარია საკრებულოს თავმჯდომარის  მოქალაქეებთან შეხვედრაზე. ბესიკ ტაბიძე საანგარიშო პერიოდში მათი პრობლემების გაცნობისა და კომპეტენციის ფარგლებში დახმარების მიზნით 300 -ზე მეტ მოქალაქეს შეხვდა, რომელთა უმეტესობა ამ ეტაპზე დაკლმაყოფილებულია და დარჩენილ ნაწილზე მუშაობა გრძელდება.  ასევე საუბარია საანგარიშო პერიოდში საკრებულოში დანერგილ სიახლეებზე, როგორიცაა საკრებულოს სხდომების პირდაპირი ტრანსლირება, ინფორმირების ახალი მეთოდი,  რაც საკრებულოსა და საკრებულოს კომისიების გასამართი სხდომების შესახებ მოქალაქეებისთვის სატელეფონო მოკლე ტექსტური შეტყობინებების გაგზავნას გულისხმობს.

,,მიმაჩნია, რომ ჩვენს საკრებულოს გაცილებით მეტის გაკეთება შეუძლია მუნიციპალიტეტის მოსახლეობის საკეთილდღეოდ. ბიუროსა და თითოეული საკრებულოს წევრთან ერთად, მუნიციპალიტეტის მერთან, სხვა აღმასრულებელ ხელისუფლების წარმომადგენლებთან ურთიერთთანამშრომლობით, ერთობლივი ძალისხმევით ნამდვილად შევძლებთ მუნიციპალიტეტში არსებული პრობლემების დაძლევას, მოგვარებას“, აღნიშნა ტაბიძემ.

საკრებულომ 2019 წლის ბიუჯეტის პროექტი მერიას შენიშვნებით დაუბრუნა

საკრებულომ 2019 წლის ბიუჯეტის პროექტი მერიას შენიშვნებით 22 ნოემბერს დაუბრუნა

მომავალი წლის მთავარი საფინანსო დოკუმენტის პროექტით, ლანჩხუთის მუნიციპალიტეტის ბიუჯეტი 9 404 800 ლარით განისაზღვრა.

ჩამოყალიბდა მუნიციპალიტეტის განვითარების ძირითადი მიმართულებები და გამოიკვეთა ბიუჯეტში გასათვალისწინებელი პრიორიტეტები, პროგრამები.

მუნიციპალიტეტის პრიორიტეტული მიმართულებებია:

⏺️ინფრასტრუქტურის მშენებლობა, რეაბილიტაცია და ექსპლოატაცია;

⏺️დასუფთავება და გარემოს დაცვა:

⏺️განათლება;

⏺️კულტურა, ახალგაზრდობა და სპორტი;

⏺️მოსახლეობის ჯანმრთელობის დაცვა და სოციალური უზრუნველყოფა.

იურიდიულ საკითხთა და ეთიკის კომისიამ ლანჩხუთის მუნიციპალიტეტის 2019 წლის ბიუჯეტის პროექტი განიხილა

ლანჩხუთის მუნიციპალიტეტის 2019 წლის მთავარი ფინანსური დოკუმენტის განხილვა აქტიურად მიმდინარეობს საკრებულოს დარგობრივ კომისიებში.

იურიდიულ საკითხთა და ეთიკის კომისიის თავმჯდომარემ ვერიკო კვირკველიამ

2019 წლის ბიუჯეტის პროექტი კომისიის წევრებთან და მერიის საფინანსო-საბიუჯეტო სამსახურის უფრო, როლანდ ლაშხიასთან ერთად მუხლობრივად განიხილა.

კომისიამ პროექტთან დაკავშირებით შენიშვნები გამოთქვა.

კომისიის განცხადებით, მუნიციპალიტეტის ბიუჯეტის შემოსავლებში უნდა დაფიქსირდეს ადგილობრივი მოსაკრებლიდან მიღებული შემოსავალი. მუნიციპალიტეტმა უნდა შეიმუშავოს გადახდის შესაბამისი ფორმულა. საკრებულომ დაამტკიცა ლანჩხუთის მუნიციპალიტეტის ტერიტორიაზე ადგილობრივი მოსაკრებლის შემოღების, გადახდის ინსტრუქციის, დაგვა-დასუფთავების და ნარჩენების განკარგვის წესი, რომელიც უფუნქციოა.

კომისია მიიჩნევს, რომ ,,ბიკარბონატული ჰემოდიალეზით - თირკმლის ქრონიკული უკმარისობით დაავადებულთა სამედიცინო დაწესებულებაში ტრანსპორტირების პროგრამა“ არასრულყოფილია,

ვინაიდან დაფინანსება გამოყოფილია მხოლოდ ბენეფიციარის სატრანსპორტო ხარჯზე, თუმცა, საგულისხმოა, რომ ის მარტო ვერ ახერხებს გადაადგილებას და ამ პროგრამით გამოყოფილი თანხა არაა საკმარისი, საჭიროა თანხის გაზრდა.

ასევე საჭიროა დაიწყოს მუშაობა მუნიციპალიტეტმა იმ კუთხით, რომ ასეთი საჭიროების მქონე ბენეფიციარების მომსახურება ადგილზე გახდეს შესაძლებელი.

კომისია თვლის, რომ სოციალური პროგრამის ფარგლებში გათვალისწინებული იქნას მუნიციპალიტეტში რეგისტრირებულ ისეთ ავადმყოფების მოვლის თანხა, რომელთაც აქვთ თავის ტვინის ტრამვა, ე.წ. „კომური“ მდგომარეობა, რის შედეგადაც საწოლს არიან მიჯაჭვული და საჭიროებენ 24 საათიან მეთვალყურეობას.

კომისია მნიშვნელოვან გარემოებად მიიჩნევს იმას, რომ სამკურნალო და საოპერაციო ხარჯებით დახმარების პროგრამას იყენებს მხოლოდ ის მოქალაქეები, რომელთა სარეიტინგო ქულა არის 0 - 150001-მდე. ვინაიდან ქულის მინიჭება უმეტეს შემთხვევაში არასწორად მიმდინარეობს, აუცილებელია დაწესდეს გამონაკლისი შემთხვევები, მაგალითად დასკვნა ჯანმრთელობის მდგომარეობის შესახებ, სადაც ხაზგასმული იქნება ჯანმრთელობის მძიმე მდგომარეობა.

კომისიის განხადებით, აუცილებლად მოსაწესრიგებელია მუნიციპალიტეტში ტრანსპორტის საკითხი, რაც ასვე 2019 წლის ბიუჯეტში გასათვალისწინებელია.

ინფრასტრუქტურის კომისიამ ლანჩხუთის მუნიციპალიტეტის 2019 წლის ბიუჯეტის პროექტი განიხილა

ლანჩხუთის მუნიციპალიტეტის საკრებულოს კომისიებმა მუნიციპალიტეტის 2019 წლის ბიუჯეტის განხილვა უკვე დაიწყეს. მთავარი დოკუმენტი სივრცით-ტერიტორიული დაგეგმარებისა და ინფრასტრუქტურის კომისიის თავმჯდომარემ, გიორგი გვარჯალაძემ კომისიის წევრებთან და მერიის საფინანსო-საბიუჯეტო სამსახურის უფროს- როლანდ ლაშხიასთან ერთად მუხლობრივად განიხილა.

როგორც აღინიშნა, 2019 წლის ბიუჯეტი პროექტის მიხედვით 9 404 800 ლარით განისაზღვრა. რაც შეეხება პრიორიტეტებს 2019- 2022 წწ-ში მუნიციპალიტეტის სტრატეგია თითქმის უცვლელია შემდეგნაირად არის განსაზღვრული:

ინფრასტრუქტურის მშენებლობა, რეაბილიტაცია და ექსპლოატაცია;

დასუფთავება და გარემოს დაცვა

განათლება

კულტურა, ახალგაზრდობა და სპორტი

მოსახლეობის ჯანმრთეკლობის დაცვა და სოციალური უზრუნველყოფა

მმართველობა და საერთო დანიშნულების ხარჯები.

როგორც ლაშხიამ აღნიშნა 2019 წლის ბიუჯეტი პროგრამული იქნება და მასში დეტალურად გაწერილია თითოეული პროგრამის აღწერა, პროგრამის მიზანი და მიღწეული შედეგი.

როგორც ლაშხიამ აღნიშნა, 2019 წლის ბიუჯეტი პროგრამული იქნება და მასში დეტალურად გაწერილია თითოეული პროგრამის აღწერა, პროგრამის მიზანი და მიღწეული შედეგი.

კომისიამ ბიუჯეტის პროექტთან დაკავშირებით გარკვეული შენიშვნები გამოთქვა:

გაიზარდოს ()იპ ,,კეთილმოწყობისა და მომსახურეობის ცენტრისდაფინანსება;

გაიზარდოს საბავშვო ბაღის აღმზრდელ- პედაგოგების ხელფასები;

საბავშვო ბაღების აღსაზრდელთა ტრანსპორტირების თანადაფინანსებისთვის გამოიყოს შესაბამისი თანხა.


ქვეკატეგორიები

საჯარო ინფორმაცია
სმს გამოწერა

ელექტრონული პეტიცია