26 | 05 | 2018

ლელობურთი ამჯერად ქვემოურების გამარჯვებით დასრულდა

სოფელ შუხუთში ტრადიციულად ლელობურთი გაიმართა. მზადება დილიდან დაიწყო, სათამაშოდ ბურთი მომზადდა, შემდეგ მობურთალები ტაძრის წინამძღვარმა დეკანოზმა საბამ დალოცა... ლელობურთის თამაში 5 საათზე დაიწყო... მანამდე კულტურის ცენტრმა სხვადასხვა სახის ღონისძიებები გამართა. მოეწყო ლანჩხუთის სამხატვრო სკოლის, ხალხური რეწვის ოსტატთა ნამუშევრების და ,,ლელოს“ სამუზეუმო ექსპონატების გამოფენა-გაცნობა. შუხუთის ადმინისტრაციული შენობის ეზოში განთავსდა ბენდი ,,black sea’’ და ლანჩხუთის მუნიციპალიტეტის სახალხო ანსამბლი ,,მხედრები’’, რომლებმაც წარმოგვიდგენეს თავიანთი რეპერტუარი. ასევე გამოიფინა ადგილობრივი ნაწარმი. დილიდანვე მიმდინარეობდა შეჯიბრი სპორტის სხვადასხვა სახეობაში (ჭადრაკი, გირების აზიდვა, მკლავჭიდი, ბაგირის გადაზიდვა, ჭიდაობა); ლელობურთი ამჯერად ქვემოურების გამარჯვებით დასრულდა. ტრადიციულად მოთამაშეებმა ბურთი გარდაცვლილი კოტე ორაგველიძის საფლავზე მიიტანეს. ღონისძიებას საქართველოს პარლამენტის წევრი ნინო წილოსანი, გურიის მხარის გუბერნატორი მერაბ ჭანუყვაძე და ადგილობრივი ხელისუფლების წარმომადგენლები ესწრებოდნენ.


მუნიციპალიტეტის მერი „ინტელექტის“ თავმჯდომარეს შეხვდა

ა(ა)იპ ახალგაზრდა მეცნიერთა კავშირ „ინტელექტის“ გამგეობის თავმჯდომარე ლევან გობაძე ლანჩხუთის მუნიციპალიტეტის მერს ალექსანდრე სარიშვილს შეხვდა. ლევან გობაძემ მერს ის პროექტი გააცნო, რომელიც „ინტელექტის“ მიერ ხორციელდება და „საქართველო ევროპულ გზაზე: ეფექტური მოდელის შექმნა ღრმა და ყოვლისმომცველი თავისუფალი სავაჭრო სივრცის შესახებ სტრატეგიის რეალიზაციას“ გულისხმობს. პროექტი ევროკავშირის მხარდაჭერით ხორციელდება. პროექტის საქმიანობის ერთ-ერთი მნიშვნელოვანი კომპონენტია DCFTA-ის რეალიზაციის მხარდაჭერისათვის რეგიონული და ცენტრალური საბჭოების ჩამოყალიბება. რეგიონულ საბჭოში ლანჩხუთის მუნიციპალიტეტს ა(ა) იპ საგარეო-ეკონომიკური კავშირურთიერთობების ინვესტიციების და ტურიზმის განვითარების ცენტრის ხელმძღანელი გელა ზოიძე წარმოადგენს.


მერმა ღრმაღელის საბავშვო ბაღი მოინახულა

დღეს ლანჩხუთის მუნიციპალიტეტის მერმა ალექსანდრე სარიშვილმა, საკრებულოს თავმჯდომარე ბესიკ ტაბიძემ და საკრებულოს სოციალურ საკითხთა კომისიის ხელმძღვანელმა ემზარ თედორაძემ ღრმაღელის საბავშო ბაღი მოინახულეს. ამ სოფელში საბავშვო ბაღი ადმინისტრაციული შენობის მეორე სართულზე მდებარეობს. შენობა ავარიულია. საბავშვო ბაღის თანამშრომლებმა სტუმრებს არსებული პრობლემების შესახებ მოახსენეს. "ყველაფერი უნდა გაკეთდეს იმისთვის, რომ აქ ნორმალური ბაღი იყოს. ვგეგმავთ საფუძვლიანი რემონტის ჩატარებას" - აღნიშნა ალექსანდრე სარიშვილმა.


ომფარეთში გზა ავარიულია

ლანჩხუთის მუნიციპალიტეტის მერმა ალექსანდრე სარიშვილმა საკრებულოს თავმჯდომარე ბესიკ ტაბიძესთან ერთად ომფარეთში ავარიულ მდგომარეობაში მყოფი სოფლის შიდა მიმოსვლის გზა მოინახულა.
მეწყერის გამო გზა ნელ-ნელა იშლება და ავტომობილებს საფრთხეს უქმნის.
"ძალიან დიდი პრობლემაა. მაგრამ ჩვენი ვალია მივხედოთ ამ პრობლემას. სპეციალისტებთან ერთად დავსხდებით და გადავწყვეთ რა გზით მოვაგვაროთ" - აღნიშნა მერმა.


გზის გაკეთება იგეგმება

დღეს ლანჩხუთის მუნიციპალიტეტის მერმა ალექსანდრე სარიშვილმა, საკრებულოს თავმჯდომარე ბესიკ ტაბიძემ და საკრებულოს სოციალურ საკითხთა კომისიის თავმჯდომარე ემზარ თედორაძემ ღრმაღელის ადმინისტრაციულ ერთეულის დეპუტატთან და მერის წარმომადგენელთან ერთად ღრმაღელის ადმინისტრაციული ერთეულის ქვიშიანის დასახლებაში არსებული საყანე ფართობებისაკენ მისასვლელი ავარიული გზა მოინახულა.
"საყანე ფართობი აქ დაახლოებით რვა სოფელს აქვს. ეს არის უმოკლესი გზა ფართობებთან მისასვლელი. როგორც ხედავთ ავარიულია. ამიტომ აუცილებელია სარემონტო სამუშაოების ჩატარება. ჩვენ აუცილებლად შევადგენთ პროექტს" - განაცხადა ალექსანდრე სარიშვილმა.
აღსანიშნავია, რომ აქვე ახლოს მდებარეობს სოფლის სასაფლაო.

სააღდგომო საჩუქრები უფასო სასადილოს ბენეფიციარებს

დღეს ლანჩხუთის მუნიციპალიტეტის მერმა ალექსანდრე სარიშვილმა, საკრებულოს თავმჯდომარე ბესიკ ტაბიძემ და საკრებულოს სოციალურ საკითხთა კომისიის თავმჯდომარე ემზარ თევდორაძემ უფასო სასადილოს ბენეფიციარებს სააღდგომო საჩუქრები გადასცა. "წინასწარ გილოცავთ აღდგომის ბრწყინვალე დღესასწაულს. ღმერთმა მრავალს დაგასწროთ ჯანმრთელად და ბედნიერად" - ასე მიმართა მერმა ბენეფიციარებს.


ქვეკატეგორიები

საჯარო ინფორმაცია
სმს გამოწერა