18 | 09 | 2019

შშმ ბავშვების სარეაბილიტაციო ცენტრის გახსნა იგეგმება

ლანჩხუთის მუნიციპალიტეტის გენდერული თანასწორობის საბჭოს ორგანიზებით, მუნიციპალიტეტის სხდომათა დარბაზში შეზღუდული შესაძლებლობების  ბავშვების სარეაბილიტაციო ცენტრის გახსნის თაობაზე პრეზენტაცია მოეწყო.

პრეზენტაციას გენდერული თანასწორობის საბჭოს წევრები, საკითხით დაინტერესებული პირები და გრიგოლეთში მოღვაწე მონაზონი, დედა ემილია ესწრებოდნენ.

ცენტრის მშენებლობის იდეა გაუჩნდა ლია სერგეევას დაინტერესებულ მოქალაქეთა ჯგუფთან ერთად, მას შემდეგ, რაც მისი მცირეწლოვანი შვილი საქართველოში ჩამოიყვანა და მაგნიტური ქვიშით მკურნალობამ დადებითი შედეგები გამოიღო.

როგორც მან აღნიშნა, ცენტრის მშენებლობა 2 წელზე მეტია მიმდინარეობს, ამ ეტაპზე შესრულებული სამუშაოების ღირებულება 100 000 ლარს აღემატება. შენობა მზადაა, შიდა სარემონტო სამუშაოები დასრულებულია და საჭირო ინვენტარით აღიჭურვება. ცენტრის მშენებლობა ძირითადად შემოწირულობებით განხორციელდა. ცენტრი 80- მდე ბავშვს მოემსახურება. სამკურნალოდ მაგნიტური ქვიშის გამოყენება იგეგმება და საშუალება მიეცემა შშმ ბავშვებს საჭირო მკურნალობა და რეაბილიტაცია ადგილზე ჩაიტარონ.

ბიუჯეტში შესატან ცვლილებებზე ადმინისტრაციული წარმოება დაიწყო

დღეს გამართულ ლანჩხუთის მუნიციპალიტეტის საკრებულოს სხდომაზე დღის წესრიგით განსაზღვრულ ერთ საკითხზე მიიღეს გადაწყვეტილება, ხოლო დანარჩენ ორზე საჯარო- ადმინისტრაციული წარმოება დაიწყო.

საკრებულომ დაამტკიცა დადგენილება, რომლის თანახმად ცვლილება შევიდა ლანჩხუთის მუნიციპალიტეტის საკრებულოს აპარატის დებულებაში.

ადმინისტრაციული წარმოება დაიწყო საკითხზე ადგილობრივი (ქონების) გადასახადის შემოღებისა და მისი განაკვეთების შესახებ“ .

საკრებულომ ასევე ადმინისტრაციული წარმოება დაიწყო მუნიციპალიტეტის მიმდინარე წლის ბიუჯეტში შესატანი ცვლილებების მიზნით.

როგორც აღინიშნა, ლანჩხუთის მუნიციპალიტეტს დამატებით გამოეყო თანხა სოფლის მხარდაჭერის პროგრამის განხორციელების მიზნით, ასევე მთავრობის განკარგულებით გამოიყო თანხა ქალაქის ადმინისტრაციულ ერთეულში მრავალბინიანი სახლების სახურავების რეაბილიტაციისათვის. ამ და სხვა ღონისძიებების ბიუჯეტში ასახვის მიზნით საკრებულომ მისაღებ ცვლილებებზე ადმინისტრაციული წარმოება დაიწყო.

სოფლის კრებებისა და კონსულტაციების ჩატარება დასრულდა

„სოფლის მხარდაჭერის პროგრამის“ ფარგლებში მოსახლეობასთან შეხვედრები დასრულდა.
კრება ჩატარდა ჯურუყვეთის ადმინისტრაციულ ერთეულში, სოფელ ბაღლეფში, სადაც მოსახლეობამ პრიორიტეტად, სამივე სოფელში (ეწერი, ჯურუყვეთი, ბაღლეფი), გარე განათების მოწყობა გადაწყვიტა.
-დასრულდა სოფლის კრებებისა და კონსულტაციების ჩატარება ლანჩხუთის მუნიციპალიტეტში. გამოიკვეთა ის ძირითადი საკითხები, რის მოგვარებასაც ამ ეტაპზე შევძლებთ. უახლოეს პერიოდში საპროექტო სამუშაოების შესრულება დაიწყება- განაცხადა მერის პირველმა მოადგილე, გიორგი ფაცურიამ.

შეხვედრა მაჩხვარეთის ადმინისტრაციულ ერთეულში

„სოფლის მხარდაჭერის პროგრამის“ ფარგლებში მოსახლეობასთან შეხვედრა მაჩხვარეთის ადმინისტრაციულ ერთეულში შედგა.
მოსახლეობის გადაწყვეტილებით, მაჩხვარეთში ადმინისტრაციული შენობის პირველ სართულზე ამბულატორიისთვის ოთახი გარემონტდება, ასევე ბიბლიოთეკის იატაკი შეკეთდება და სანიღვრე არხები მოეწყობა.
სოფლის კრება ჩატარდა სოფელ ორაგვეშიც. პრიორიტეტად მოსახლეობამ სარიტუალო დარბაზის გარე ფასადის მოწყობა და ამავე ტერიტორიის შეღობვა დაასახელა.
-სოფელში ბევრი პრობლემაა და მოხარული ვართ, რომ ამ პრობლემების მოგვარება ეტაპობრივად დაიწყო. მნიშვნელოვანი გადაწყვეტილება მივიღეთ, სოფელს ამბულატორია ექნება და ოჯახის ექიმი ადგილზე მოგვემსახურება - აცხადებენ ადგილობრივები.
სოფლის კრებებს მაჩხვარეთში ლანჩხუთის მუნიციპალიტეტის მერის მოადგილე, გიორგი ფაცურია ესწრებოდა.

სოფლის მხარდაჭერის პროგრამის ფარგლებში შეხვედრები გრძელდება

 

სოფლის მხარდაჭერის პროგრამის ფარგლებში მოსახლეობასთან შეხვედრები გრძელდება. ამჯერად შეხვედრა აკეთის ადმინისტრაციულ ერთეულში ჩატარდა.
მოსახლეობის ჩართულობით, „სოფლის მხარდაჭერის პროგრამის“ ფარგლებში, შეირჩა პრიორიტეტები. ზემო და ქვემო აკეთში, ასევე ჭანჭათში, ადგილობრივებმა ყოფილი ადმინისტრაციული შენობების რემონტი და გარე განათების რეაბილიტაცია გადაწყვიტეს. სოფელ გაგურში კი სასმელი წყლის რეაბილიტაცია და ეკლესიის ეზოს შემოღობვა დაიგეგმა.
შეხვედრებს სახელმწიფო რწმუნებული გურიაში ზურაბ ნასარაია და ლანჩხუთის მუნიციპალიტეტის მერის პირველი მოადგილე, გიორგი ფაცურია ესწრებოდნენ.

მოსახლეობასთან შეხვედრა სუფსაში

„სოფლის მხარდაჭერის პროგრამის“ ფარგლებში სოფლის საერთო კრება სუფსის ადმინისტრაციულ ერთეულში ჩატარდა.
თავდაპირველად შეხვედრა ახალსოფლის, ჩქუნისა და ტაბანათის მოსახლეობასთან შედგა.
აქ მოსახლეობის გადაწყვეტილებით,პრიორიტეტულ საკითხად გამოიკვეთა გარე განათების მოწყობა, შიდა გზების რეაბილიტაცია და სასაფლაოს შემოღობვა. ხმათა უმრავლესობით, გადაწყდა, რომ გარე განათება გაკეთდება და ხსენებული სასაფლაოც შეიღობება.
რაც შეეხება მეორე შეხვედრას, ის ამავე ადმინისტრაციულ ერთეულში შემავალი სოფლების, ხიდმაღალა, გრიგოლეთი, მალთაყვა და სუფსა, მოსახლეობასთან ჩატარდა.
კრებაზე მოსახლეობამ პრიორიტეტად ამბულატორიული ცენტრის რეაბილიტაცია დაასახელა. გრიგოლეთში ასევე დაისვა მინი სტადიონის მოწყობის საკითხიც.
შეხვედრებს მუნიციპალატეტის მერის პირველი მოადგილე, გიორგი ფაცურია უძღვებოდა. კრებას ასევე ესწრებოდნენ სუფსის მაჟორიტარი დეპუტატი ზურაბ კუკულავა და ადმინისტრაციულ ერთეულში მერის წარმომადგენელი დავით გუმბერიძე.
"მისასალმებელია რომ ეს პროექტი განახლდა და მოსახლეობა თავად წყვეტს რა შეიძლება გაკეთდეს უპირველესად ამ თანხით თავიანთ სოფლებში" - განაცხადა ბატონმა გოგიმ.
შეგახსენებთ, რომ ლანჩხუთის მუნიციპალიტეტში „სოფლის მხარდაჭერის პროგრამის“ ფარგლებში სოფლის კრებების ჩატარება დაიწყო. მოსახლეობა აქტიურადაა ჩართული ამ პროცესში.

ქვეკატეგორიები

  • განცხადება

     

    2013  წლის 24 ოქტომბერს  10 საათზე გაიმართება ლანჩხუთის მუნიციპალიტეტის საკრებულოს სხდომა.

     

  • ლანჩხუთში სოფლის მეურნეობის სამინისტროს წარმომადგენლები იმყოფებოდნენ


    22 იანვარს ლანჩხუთში სოფლის მეურნეობის სამინისტროს წარმომადგენლები იმყოფებოდნენ. შეხვედრას ესწრებოდნენ გამგეობის შესაბამისი სამსახურები, ასევე სოფლის ლანჩხუთში 21 მრავალშვილიანი ოჯახი სოციალურ დახმარებას იღებს

     

    საქართველოს პრემიერ-მინისტრის ინიციატივით, 2014 წლის პირველი ივნისიდან საქართველოში დაბადებულ და საქართველოს მოქალაქეობის მქონე მესამე და შემდეგ შვილზე ბუნებრივი მატების არმქონე რეგიონებში მცხოვრები ოჯახები ყოველთვიურად ფულად დახმარებას იღებენ.

    გურია იმ რეგიონთა სიაში მოხვდა, სადაც შობადობა გარდაცვალებაზე ნაკლებია, შესაბამისად, აღნიშნული დახმარება აქ მცხოვრებ მრავალშვილიან ოჯახებსაც გაეწიათ.

    სოციალური მომსახურების სააგენტოს ლანჩხუთის განყოფილების უფროსის, მაკა გოგიჩაიშვილის თქმით, ლანჩხუთში მესამე და შემდეგ ბავშვზე ყოველთვიურ დახმარებას, 150 ლარის ოდენობით, ამ ეტაპზე 21 ოჯახი იღებს, თუმცა განცხადებების მიღება გრძელდება და ეს რიცხვიც გაიზრდება:

    - იმისათვის, რომ ოჯახმა სახელმწიფო დახმარება მიიღოს, აუცილებელია განყოფილებაში წარმოადგინოს მშობლების პირადობისა და ბავშვების დაბადების მოწმობები. ერთ-ერთი მშობელი ადგილზევე შეავსებს განცხადების ფორმას, რის შემდეგაც მის სახელზე „ლიბერთი ბანკში“ გაიხსნება ანგარიში, რომელზედაც ყოველთვიურად დაერიცხება თანხა, - გვითხრა განყოფილების უფროსმა.

    მისივე თქმით, იმ შემთხვევაში, თუ აგენტის მიერ ოჯახის ზედიზედ ორჯერ შემოწმების შედეგად დადგინდა, რომ ოჯახი არ ცხოვრობს მითითებულ მისამართზე, მას დახმარება ავტომატურად ეხსნება.

    როგორც უკვე აღვნიშნეთ, ამ ეტაპზე ყოველთვიურ დახმარებას 150 ლარის ოდენობით, ლანჩხუთში 21 მრავალშვილიანი ოჯახი იღებს.

საჯარო ინფორმაცია
სმს გამოწერა

ელექტრონული პეტიცია