16 | 01 | 2019

მერმა ახალი წელი მიულოცა

ლანჩხუთის მუნიციპალიტეტის მერმა ალექსანდრე სარიშვილმა, საახალწლო საჩუქრები დღისცენტრ „იავნანასა“ და ლესის ბავშვთა სახლის აღსაზრდელებს გადასცა.
ლანჩხუთს მერი სოციალურად შეჭირვებულ ოჯახებსაც ეწვია და შობა-ახალი წელი მიულოცა.
_ მინდა განსაკუთრებით მივულოცო დამდეგი დღესასწაულები ამ პატარებს. ბედნიერება, სიხარული და უფლის წყალობა არ მოკლებოდეთ. წარმატებების მომტანი ყოფილიყოს ეს წელი თითოეული მათგანისთვის - განაცხადა ალექსანდრე სარიშვილმა.
მერთან ერთად მერიის ჯანდაცვისა და სოციალური სამსახურის უფროსი თამარ ფირცხალაიშვილი და საკრებულოს დეპუტატი ციცი ჩხაიძე იმყოფებოდნენ.

 

 

2019 წლის ბიუჯეტის პრიორიტეტები დაამტკიცეს

დღეს ლანჩხუთის მუნიციპალიტეტის საკრებულოს სხდომა გაიმართა, სადაც მუნიციპალიტეტის მერმა, ალექსანდრე სარიშვილმა 2019-2022 წლების პრიორიტეტების დამტკიცების შესახებ ისაუბრა.
2019 წელს ძირითად პრიორიტეტად განისაზღვრა: ინფრასტრუქტურის განვითარება; დასუფთავება და გარემოს დაცვა; განათლება, კულტურა, ახალგაზრდობა და სპორტი; მოსახლეობის ჯანმრთელობის დაცვა და სოციალური უზრუნველყოფა; მმართველობა და საერთო დანიშნულების ხარჯები;
როგორც ალექსანდრე სარიშვილმა განაცხადა, მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთი მთავარი პრიორიტეტია. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია, წყლის სისტემების, გარე განათების ქსელის განვითარება და მუნიციპალიტეტში სხვა აუცილებელი კეთილმოწყობის ღონისძიებების დაფინანსება. პრიორიტეტის ფარგლებში განხორციელდება როგორც ახალი ინფრასტრუქტურის მშენებლობა, ასევე, არსებულის მოვლა-შენახვა,დაფინანსდება ექსპლოატაციასთან დაკავშირებული ხარჯებიც. 2019 წელს ინფრასტრუქტურის კუთხით 763,3 ათ ლარი დაიხარჯება, სასმელი წყლის სისტემის რეაბილიტაციაზე - 44 ათ. ლარი, გარე განათების ქსელი ექსპლოატაცია - 123, 8 ათ. ლარი, სასაფლაოების მოვლა _ 78,7 ათ. ლარი, გზების მიმდინარე შეკეთება - 100 ათ. ლარი და ა.შ. 
დასუფთავების ღონისძიებების განხორციელება ერთ-ერთ მნიშვნელოვან პრიორიტეტს წარმოადგენს. ამ მიზნით მუნიციპალიტეტი ნაყოფიერად თანამშრომლობს მუნიციპალური განვითარების ფონდთან, რომლის ფარგლებში განხორციელდა ნაგვის ურნების შეძენა და ლანჩხუთს გადმოეცა ნაგავმზიდი მანქანები. ამავე პროგრამიდან ფინანსდება მდინარე სუფსაზე არსებული ნაგავჩამკეტის გაწმენდითი სამუშაოები.
მუნიციპალიტეტი აგრძელებს კულტურული ღონისძიებების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ თავიანთი სპორტული შესაძლებლობების გამოვლინება, ასევე ახალგაზრდებში ცხოვრების ჯანსაღი წესის წახალისების მიზნით გასატარებელი ღონისძიებების ჩატარება. 2019 წელს საამისოდ 2011,5 ათ. ლარი დაიხარჯება.
რაც შეეხება ჯანმრთელობის დაცვასა და სოციალურ უზრუნველყოფას 2019 წელს გამოყოფილია - 692,9 ათ. ლარი. რაც ითვალისწინებს, ომის ვეტერანებისა და მათ ოჯახების დახმარების, მრავალშვილიანი ოჯახების დახმარების, სამკურნალო და საოპერაციო ხარჯებით დახმარების, მზრუნველობამოკლებულთა უფასო კვებით უზრუნველყოფის და მედიკამენტების შეძენაზე დახმარების პროგრამების დაფინანსებას.
სხდომა კითხვა-პასუხის რეჟიმში წარიმართა. დეპუტატების შეკითხვებს ალექსანდრე სარიშვილმა ამომწურავად უპასუხა. მერის წინადადებას 2019 წლის ბიუჯეტის დამტკიცების შესახებ მათ მხარი ერთხმად დაუჭირეს.

ქალაქში საახალწლო სამზადისი მიმდინარეობს

ლანჩხუთში საახალწლო სამზადისი მიმდინარეობს.
დღეს სამუშოები ლანჩხუთის მერმა ალექსანდრე სარიშვილმა დაათვალიერა.
აღსანიშნავია, რომ წელს ლანჩხუთს ახალი ნაძვის ხე ექნება. ამჟამად ხეებზე ელექტროაქსესუარების დამონტაჟება მიმდინარეობს.
ქალაქის საზეიმო მორთვა 25 დეკემბრისთვის დასრულდება.
სამუშაოებს ა(ა) იპ „კეთილმოწყობის და მომსახურების ცენტრი“ აწარმოებს.

ქალაქში მიმდინარე სამუშაოები მერმა დაათვალიერა

ქალაქის წყალმომარაგების კუთხით მიმდინარე სამუშაოები ლანჩხუთის მუნიციპალიტეტის მერმა დაათვალიერა.
სამუშაოები დუმბაძის, ბაგრატიონის, ბარათაშვილის, ცაბაძის, ნათლისმცემლისა და მშვიდობის ქუჩებზე მიმდინარეობს და 500 ოჯახზეა გათვლილი.
პროექტის განხორციელება 1 დეკემბერს დაიწყო და მომავალი წლის ივნისის თვეში დასრულდება.
სამუშაოებს „გაერთიანებული წყალმომარაგების კომპანიის“ დაკვეთით შპს „NDS მშენებლობა“ ასრულებს.
-აღნიშნული პროექტის ფარგლებში ქალაქის ის ნაწილი, რომელსაც წყალი არ მიეწოდებოდა ქსელში ჩაერთვება და ამით კიდევ ერთი მნიშვნელოვანი პრობლემა მოგვარდება-განაცხადა მუნიციპალიტეტის მერმა, ალექსანდრე სარიშვილმა.
მერთან ერთად სამუშაოები მერის წარმომადგენელმა ქალაქში ლაშა დუდუჩავამ და საკრებულოს დეპუტატმა კარლო კვიტაიშვილმა დაათვალიერეს.

საკრებულომ მიმდინარე წლის ბიუჯეტში ცვლილებას მხარი დაუჭირა

ლანჩხუთის მუნიციპალიტეტის საკრებულოს რიგგარეშე სხდომაზე, რომელსაც თავმჯდომარე ბესიკ ტაბიძე უძღვებოდა, ორი საკითხი განიხილეს. საკრებულომ 2018 წლის ბიუჯეტში განსახორციელებელ ცვლილებზე იმსჯელა. მანამდე აღნიშნული საკითხი საკრებულოს საფინანსო-საბიუჯეტო კომისიამ განიხილა.  სხდომაზე გამოთქმული შენიშვნის საფუძველზე, სარეზერვო ფონდი გაიზარდა 2000 ლარით, რაც ასახული უნდა იქნას ასევე ბიუჯეტში.

როგორც საკითხის მომხსენებელმა თამაზ იმედაიშვილმა განმარტა, საქართველოს მთავრობის 2018 წლის 13 დეკემბრის N2367 განკარგულებით, ლანჩხუთის მუნიციპალიტეტას სტიქიის შედეგების სალიკვიდაციო ღონისძიებების განხორციელებისათვის 800000 ლარი, რომელიც უნდა მიიმართოს სტიქიის შედეგად დაზიანებული საცხოვრებელი სახლების რეაბილიტაციაზე. აღნიშნული ცვლილებები შეტანილი უნდა იქნას 2018 წლის დამტკიცებულ ბიუჯეტში როგორც შემოსავლის, ისე ხარჯვის ნაწილში.

საკრებულომ ამავე სხდომაზე 2019 წელს მუნიციპალიტეტში რეგიონალური განვითარების ფონდიდან დასაფინანსებელი პროექტები მოიწონა.

 

წარმოდგენილი დოკუმენტის მიხედით იგეგმება შიდა გზების რეაბილიტაცია-მოასფალტება, რკინა-ბეტონის სანიაღვრე არხების მოწყობა, სოფლების შიდა გზების განათება, წყალმომარაგების ქსელის მოწყობა, ლანჩხუთში 3 სტადიონის მოწყობა-რეაბილიტაცია, ლესასა და ნინოშვილში ამბულატორიის რეაბილიტაცია, ლანჩხუთის მუნიციპალიტეტში ბავშთა საფეხბურთო სკოლის ეზოს ინფრასტრუქტურის მოწესრიგება და ინვენტარის შეძენა,  ნიგვზიანის ადმინისტრაციულ ერთეულში ეგნატე ნინოშვილის სახლ მუზეუმთან მისასვლელი გზის აღდგენა და ნინოშვილის სახლ-მუზეუმის რეაბილიტაცია, ქალაქის ადმნისტრაციულ ერთეულში საფეხმავლო ბილიკების მოწყობა და გარე განათების რეაბილიტაცია, მხარეთმოცდნეობის მუზეუმის შემოღობვა, სკოლების რეაბილიტაცია,  მამათის ადმინისტრაციულ ერთეულში მდინარე სუფსაზე საფეხმავლო ხიდის რეაბილიტაცია. პროექტების განსახორციელებლად  10 485 080 ლარი დაიხარჯება.

მიმდინარე წლის ბიუჯეტში ცვლილებები იგეგმება

ლანჩხუთის მუნიციპალიტეტის საკრებულოს საფინანსო-საბიუჯეტო კომისიამ მიმდინარე წლის ბიუჯეტში განსახორციელებელ ცვლილებებზე იმსჯელა.

ცვლილებების განხორციელება იგეგმება შემდეგი მიმართულებებით: ლანჩხუთის მუნიციპალიტეტის საკრებულოს სხვა საქონელი და მომსახურების ხარჯი მცირდება 12500 ლარით და გაზარდება ხელფასის ფონდი 5000 ლარით, შტატგარეშე მოსამსახურეთა ანაზღაურება-4500 ლარით, ხოლო ოფისის ხარჯი 3000 ლარით. მცირდება ასევე ლანჩხუთის მინიციპალიტეტის მერიის სხვა საქონელი და მომსახურების მუხლი 9000 ლარით და სესხის სარგებლის პროცენტის 23350 ლარით, იზრდება მერიის ოფისი მუხლი 11370 ლარით, სხვა ხარჯების მუხლი 780 ლარით, გარე განათების ელექტროენერგიის ხარჯი 11600 ლარით. საპროექტო დოკუმენტაციისა და საექსპერტო მომსახურების შესყიდვისათვის დამატებით გამოიყო 38000 ლარი.

ა(ა)იპ ლანჩხუთის მუნიციპალიტეტის სკოლამდელი საგანმანათლებლო სააღმზრდელო ცენტრის სუფსიდიის დაფინანსება შემცირდება 1130 ლარით და გაიზარდება არაფინანსური აქტივების ხარჯი 1130 ლარით. იზრდება სოციალური პროგრამების დაფინანსება, კერძოდ: მრავალშვილიანი ოჯახების, დახმარების, მძიმე საცხოვრებელ პირობებში მყოფი ოჯახების დროებითი თავშესაფრით უზრუნველყოფის და ერთჯერადი დახმარების, სხვადასხვა ომებსა და კონფლიქტებში მონაწილე ვეტერანთა დახმარების, სამკურნალო და საოპერაციო ხარჯებით დახმარების, იძულებით გადადგილებულ პირთა დახმარების პროგრამები (ჯამში 49 830 ლ).

ამასთან, მიზანშეწონილად ჩაითვალა გაეზარდო დაფინანსება ა(ა)იპ ლანჩხუთის მუნიციპალიტეტის „კეთლმოწყობისა და მომსახურების ცენტრ 55000 ლარის ოდენობით, ა(ა)იპ ლანჩხუთის მუნიციპალიტეტის სპორტულ ცენტრს -10800 ლარით, ა(ა)იპ ლანჩხუთის მუნიციპალიტეტის ,,კულტურის დაწესებულებათა გაერთიანებას“ -18000 ლარით, ამასთან შემცირდეს არაფინანსური აქტივების მუხლი 2012 ლარი და გაიზარდოს სუბსიდიის მუხლი 2012 ლარით. შპს ქალთა საფეხბურთო კლუბ „ლანჩხუთის ლანჩხუთი დაფინანსება გაზარდ 6000 ლარით.

აღნიშნული ღონისძიებების დაფინანსების უზრუნველყოფის მიზნით შემცირდება ბიკარბონატული ჰემოდიალეზით-თირკმლის ქრონიკული უკმარისობით დაავადებულთა სამედიცინო დაწესებულებათა ტრანსპორტირების ხარჯი 3080 ლარით, ხანდაზმულ (100 და მეტი წლის ასაკის) პირთა დახმარების პროგრამა შემცირდეს 400 ლარით და გაიზარდოს უცხოურ საწარმოთა ქონების გადასახადი 165550 ლარით.

კომისიამ წარმოდგენილ საკითხს მხარი დაუჭირა. აღნიშნული ღონისძიებების შესაბამის ცვლილებებზე  საკრებულო გადაწყვეტილებას 19 დეკემბრის რიგგარეშე სხდომაზე მიიღებს.

ქვეკატეგორიები

საჯარო ინფორმაცია
სმს გამოწერა

ელექტრონული პეტიცია